الحليب المُر

البارت 31

السلام عليكم

البارت 31

لم يكن حبك مجرد كلام..كان روحاً تعبق داخلي...

~~~~~~~~~~~~~

جاي اكنس يم شباك المضيف..المكناسة وكفة..وتعبت كلش كلبي يدك سريع مابيه حيل تعب..خصوص الكنس يرادله جهد...

وانه ثكيلة بعد طفلين شايلة بأحشائي..ولهسبب عزام ميقبل احط ايدي بشي..

شفت البردة مال شباك الديوان تحركت وانرفعت..الشباك مال الديوان كبيير وانه طويلة نصي مبين...واشوف وجه عزام...

الرجال كبال الشباك...وكلبي وكف عن دكاته...والهبطة خذتني....همزين حجابي عدل..والرجال مدنك ماشافني وعزام نزل البردة بسرعة...

بطني مغصتني..واطرافي ظلت ترجف..هو الحوش اصلاً مو وصخ بس اوراق الشجر يطيرن لهنا..ولميتهن وبس...

طاحت من ايدي المكناسة..ودخلت داخل بصعوبة وثكل..وبطني ظلت توجعني..فضة كالت شبيج ليال..شافتني لازمة بطني...

كتلها حقيرة تعرفين عزام عنده خطار ودزيتيني بره انظف..الله لا ينطيج شافني وهسة يعصب..اذا صار للأطفال شي اتحسب عليج كل يوم...

فضة:والله وداعت جهالي مادري هو هنا وعنده خطار..بس هو قبل ساعة كال اوراق الحديقة خل تجي اميرة تكسنهن راح يجيني خطار..رحتلها ماقبلت تساعدني..وانه لاهية بالعشه كلت خاف يجون  ضيوفه ويبقون هاي معروفة اصلاً مايخليهم يطلعون..وسكينة ونور مو موجودات

كتلها بألم:كلي لعزام هيج..لو مرة سوي خير بحياتج..كالت روحي ارتاحي والله اكله هيج ماقصدي شي..انه ماتمنه يصيبج شي مو هلكد خبيثة انه...وابطنج ينتظرهم سنين

رحت بألم لغرفتي..وشوي واشوف عزام دخل للغرفة وركع الباب بغضب..خفت..كلت هسة اترزل على سالفتين مو وحدة...

مابيه حيل اسمع عصبيته..كال بعصبية..شلون تجين يم شباك المضيف هيج..شافج الزلمة مو هيج..ويحجي بغضب...

كتله بسرعة:لا والله ماشافني جان مدنك..وانته فجأة رفعت البردة مادري..وسكتت ما اريد احجي مالي طاقة

عزام بعصبية:شسوين يم الشباك هااا..لو شايفج الزلمة شكول وشسوي بيج..مانتبهتي زلمة هنا

كتله بهدوء:ماعرف والله فضة كلتلي اكنس الاوراق مال الشجر..ماتعرف هنا انته وضيف ماكلتلي..ومانتبهت لوجودك بالديوان

عزام بعصبية:وانتي مو محذرج من الطارمة..شلون افلشها واسويها شارع احسن حتى ماتكنسيها وتغسلين بيها..وشلون مانتبهتي لوجودي بالديوان..شجرالج عقلج وين

عصبت:لا انته الي شجرالك..كتلك مانتبهت..والف مرة كتلك ماكدر اكعد بلا حركة وماعليه شي..انته شصارلك..عود اهمك..مهتم الها بس ما فكرت بيه..اتصدك حجيها عليه..وهي صايرة تتبله عليه وانته تصدك..شصارلك مو تعرفني شكد احترمها..ماعرف شصارلك انته وهي