الحليب المُر

بارت ال30

سلام عليكم 😍

تفاعلووو ترااا بال🔪🔪🔪🙂🙂🙂

بارت ال30

كُنت في طريقي نحو قلبكِ فأمسكتني من معصمي بصرامة.. تلك الحاقدة والتي لا تتوقف ولا تمل ولا تكل....تلك التي تسمي نفسها الكرامة..هي ظالمة هي صارمة..لا تعرف للتفاهم شكلاً...

لكن لا بأس هي تستطيع حمايتي من التحطم...👌

~~~~~~~~~~~~~~~~~~

خذاني غصبن عليه لدكتورة..طلبت تحاليل هواي على هاي الي كلته الها واهم شي كالت تحليل حمل...

سويت التحاليل..وابو المختبر صاح اسمي..وهو يكلب بالأوراق وعزام انطاه حسابه وهو رجال شايب سمين شوي..وكال ليال عندج حمل بابا...

لحظة وكفت عندي..وجانت مفاجئة..وباوعت للصدمة بوجه عزام..ابتسم للرجال واخذ الأوراق منه..وانطاهن الي...

وانه ساكته اتخيل ردة فعله..ما مصدكه انه حامل..وراح اصير ام لطفله..اشوفه ساكت وماحجه او يمكن العالم الي يمنه ساكت...

دخلت للدكتوره..وانه كلش حماس..ماهمني شي ثاني بعد..غير انو راح اصير ام اخيراً..ولطفل الشخص الاعشكه...

مامصدكه فجرت الدكتورة بأسئلتي وفرحانة واكلها دكتوره ماصدك والله..كتلها زوجي صارله سنين متزوج ماعنده طفل...

كالت اي تصير هاي رزق من الله..كالت اسويلج سونارحتى تتأكدين اكثر..كلت اي اسوي..ولازم تاخذلي سونار اصلاً...

مشربتني طنان ماي..صرت مدام نفيخة من الماي علمود السونار...حطت مادة على بطني وظلت تحرك الجهاز...

وكالت وهاي هو البطل مالتج..بس بعده زغينون..نشوة فرح مو طبيعية..كمية البهجة الي بكلبي..مامصدكه لزمت وجهي...

ماريد اصحه اذا حلم..والدكتورة خبلتها بالأسئلة وهي تضحك حست بفرحتي..الا شوي اكوم ابوسها وهي خوش انسانة اخلاقها تجنن...

مو مثل بعض الطبيبات هل ايام ميتحاجن عبالك مدري شنو هنه..والله حتى الناس بمهنتها كامت تتكبر..للبعض مو الكل...

كالت عندج رمل ماماتي والتهابات بسيطة وتتعالج..والوحام كالت هاي طبيعي بسبب الحمل..ويروح بالأشهر الاولى...وعمر الحمل شهرين...

كتبتلي علاجات ورحتله انطيته الورقة وجابهن وبعده ساكت..بس وصلتلي فرحته بدون مايحجي وكلبه الطاير وصلني..احس بي...

رجعت للدكتورة..كالت تجين كل فترة تطمنين على الطفل..وتاخذين علاجاتج بأنتظام..لنمو الجنين بشكل افضل...

ابتعدي عن التعب النفسي وتتغذين بشكل جيد..وكومات نصايح..وانه اهز راسي بأي وابتسامة على وجهي...

وهي مبتسمة وهادئة الدكتورة..اخر شي ضحكت عليه من فرحتي..وكالت ماما ديري بالج على نفسج.. اهم شي راحة النفسية وبلا جهد جسدي زايد...