الحليب المُر

بارت ال25

السلام عليكم اولادي بناتي ♥️

بارت ال25

متى سينتهي هذا الصراع الذي بين عقلي وقلبي متى.....؟؟؟

كلي ليله رجعي لكلبي..رجعي..صعب اطردج منه رجعي..ماله حياة بدونج...

عيوني دمعت..مو يكول ماريدج اشو يصعبها عليه اكثر..التفتت بعيوني المدمعة..كتله..وين ارجع مدري شيضيعت وماكدر ارجع...

عزام اتقرب عليه بخطوات بطيئة:ليله اريدج..اي اريدج عمري راح وماريد يروح الباقي منه وانتي مابي..اريدج..كلبج يحس بكلبي العاشكج...اريدج..واريد تصيرين حلالي..ليله اريد اتزوجج.....

وكفت مصدومة من هالكلام الي يكوله....

شجراله الشيخ...الحنين هذا لو الوله لو الشوق لو العشك يخلي يكول هيج...شنوو؟؟؟؟

ظليت ساكته ولازمة حلكي..ماعرف شرد وشكول والله العظيم ماعرف..افكر بخالة نرجس..وبكلبي لو بعزام...

حرت شكول وافكر بيمن ياهو اولى..مكدرت اشوف الصح من الغلط هسة...

عزام:احجي شي ليله

كتله شكول....

عزام بجدية:اذا ما موافقة كولي..وانه من هاللحظة اوعدج مادخل بحياتج ابد ومامنعج تشوفين حياتج وتزوجين منو ماتردين

كتله بقهر:ونرجس شنو موقفها..ماكدر اسوي هيج بيها تعرف هي شنو بالنسبة اليه

عزام:ليله هي الي تريدني اتزوجج..وهي الي خطبتج الي من وراي..هي قابلة وتحبج هي همين

حجيت بكل صدق وقهر:ماكدر والله ماكدر اقهرها واخذ زوجها الي تحبه..تعرف شكثر تحبك هي دوم تحجيلي عن حجم حبها الك..ودوم اسمع بكل سوالفها اسمك وبس..ضحكتها سببها انته..وحزنها ومرضها كله بسبب قهرها من الداخلك الي..جاي تتعذب

عزام:اعرف ليله اعرف وانه احبها بس مو مثلج انتي..احبج بكل معاني الحب..ليله اعشكج حتى لو نص عمري عمرج..اريدج

سكتت وراح يبجيني كلامه..هم انه اعشكنه بس مو بيدي ماكدر ادمر كلب خالتي واقهرها..زوجها راح يصير مشاركة بيني وبينها...

عزام:اعرف انتي هم شفتي عذاب..هواي تحملتي من صغر سنج..بس الي تحمله كلبي مايتحمله جبل..هواي خسرت هووواي..ماريد اخسرج انتي همين..ولا اريد اخسر نرجس عزيزة عليه واحبها بس مو مثلج ليله

ليال:قصدك تودها مو هيج؟؟

سكتت شوي..كتله..همين انه خسرت هواي اشياء بحياتي..خسرت مستقبلي..وفقدت روحي وبراءتي..مراهقتي الماشفت منها شي..وخسرت زوجي..وماريد اخسرك بس نرجس..حرراااام اسوي هيج بيها

عزام:ولا انه هاين عليه..اذا ماتقبلين..روحي ليله روحي..والي تردينه يصير..وشنو تختارين راح اكون منصفج...