الحليب المُر

ليش ادعووون عليه

السلام عليكم

حبايب بس توضيح لشغلة خاف احد منكم يكول تنحازين لشخص وتنحازين ويه الزوجة الثانية واطلعينها مظلومة وهي الظالمة اصلاً

سبق وكتلهم عندي الغلطان غلطان والصح صح..ومانحاز للبطلات علبو هنه بطلات وماغطي على احد ربي شاهد نرجس اكدتلي كل حدث  وبثقة همين وياها بيبي شمعة الله يحفظها خاف بظنكم اغطي على احد لو اشوه صورة احد ثاني

القصة جاي تجيكم مثل ماهي ولا زدت ولا نقصت بس اخفيت بعض الحقائق...

واسفة حيل للي انقهرو امس مابيدي ماكدرت اغير حقائق موجودة بالقصة خاف البعض ياخذونها كمثل اعلى ويعتقدون الزواج الثاني مسموح لا وراح تثبتلكم العكس تابعو وتعرفون....

والي غلطن عليه بالخاص والي ادعي عليه شتحسين بالله كليلي قابل اني الي سويت كل هذا..مردوده الجن اخواتي شتمج ودعاءج عليه بالضرة ما اذيتج اني ولا ضريتج بشي ولا ضريت احد

كل ما بالموضوع جاي احجي قصة بعدها ماكاملة وماعرفتي تاليها شنو وانتي تهجمتي بشرج والخ تكلي ان شاء الله ياخذ عليج ثنين هيج سوين هوب هوب هو لحظة اني شسويت

طبعا هاي التهجمن عليه شتم وغلط بالخاص وحدة غلطت عليه كلام مينكال ودعت عليه دعاء غير الضرة دعاء عالشرف عيب اكوله والله ودعت على جهالي خلي نفسج مكاني تقبلين هيج احد يهجم عليج

اليتجاوز عليه بعد كبل حظر وتبليغ..واي شخص يحجي على نرجس احظره واخلي المتابعين كلهم يبلغون على حسابه حذرتكم من الحجي على نرجس وعندي اسبابي الخاصة هيج اكول...

مانشرو قصتهم حتى تتجاوزون وتحاسبونهم وكلامي موجه للي غلطو طبعاً مو الي كتبو رأيهم بأحترام على راسي وكولو الي تردون مادام بأحترام

وجم مرة المحلكم على اخلاق فضة ويه شهم ماريد ادافعله لأنه غلط بحق جيهان مو بس مرته وجهاله بس جم مرة المح الكم عن اخلاق تنك وفافون على كولت حاكم😡

واذا تحجين اطلعين عدوة المرأة  وليش مانحجي الواقع الي احنه عايشين بي والله اذا انتي اخلاقج سزز وتصرفج غلط واهمالج لزوجج راح يجيبلج ضرة لتبررين لنفسج بأعذار واهية

مثل ما حجيتي وكلتي واذا هاملته يروح يدور غيري واحنه ليش لازم نصبر على اهماله..يعني جاي تردين الخير الج وبس  يعني بحجيج هذا تقنعين نفسج وبس

ترا هاي الحق اذا هملتي وصار البيت كله مشاكل الرجال يجزع مو بس انتي الج حق تعاتبين وتنقهرين على نفسج هو هم ينقهر على نفسه من تهملينه

واذا دور بالحرام تكولين شناقصه..😡😡😡 واذا تفصمين اساور اطلعين عدوة المرأة   لا تهملين رجلج ماصير عدوتج   النق والمشاكل والصياح والشك هذول يكتلون شعور رجلج ناحيتج  احذري

ومن احجي هيج لمصلحتجن لأن احنه خلينه واقعين اولا مجتمع ذكوري وثانيا الرجال ميتحمل مثل المرة وصبرها فخليج انتي الاحسن منه اذا خان على كل تعبج وياه فهذا مايتساهلج

فرجاءاً خلي الله بين عيونج من تهجمين على كاتبة مالها ذنب ولحد اطبلي خاص وادعي على جهالي وادعين عليه بشي الله مايرضاه ومايقبله وترضينه لنفسج ماخفتي على بناتج من دعيتي هالدعوة الوصخة

وصلت انو تحجون على شرف كاتبة تنشرلكم قصة عيب عليكم وخافو الله بالدعاوي عالشرف 😡😡😡😡😡😡😡😡😡😡

والله عصبت لدرجة طفحتوني من البارحة آكل بنفسي على الدعاوي والخريط وليش ماناقشتيني بأحترام بدل الأخلاق السزز

وها حذرتكم من الحجي على نرجس دير بالكم تحجون بعد عليها لو حرف

اليوم انزل بارت وعلى عناد كل مضغوطه مني لتخافون ماكطع القصة علمود الشرايين اطب بعينهم شوووكه

انتظروني احبجن خياتي وبنياتي