السلام عليكم شلونكم مشتااااااااقة الكم كلش كلش😍
ماكدر احكم واكلكم الرواية مختلفة او لا ماعرف انتم حكمووو
هااااااااا متحمسوون😃 ابدددووووووووووووو
البارت الاول
مهرة وتحتاج خيال...وجنت بيوم اتمنه اصير خيالها...حتى اجه هذاك اليوم... مدري امي سكتني حليب مر هيج تمررت حياتي...
●●●●●●●●●●●●●●●●●●●●
الوكت هسة المغرب بس بسبب العاصفة والغيوم تبين ظلمة وكأنه نص الليل..والدنيا مطر وبرد...وهي لازمة بطنها متألمة....
همست ياعلي ياحاضر الشدات اريد الليلة تحضرني بشدتي ويجي طفلي بسلامة..واختنكت وطلعت بره تشتم هوى الرطب بالمطر....
وكفت بالطارمة والهوى بارد وساعة تبرد وساعة تحتر وتروح وتجي وتعض اطراف شيلتها وهي متألمة حيل..وساعة تحس راح تمووت وتندعي يجي احد يساعدها....
بعدها شابة ماتتجاوز ال19 وهاي اول طفل الها...
وزوجها اكبر منها وتأخر بالزواج وهاي اول طفل اله..وهو مو موجود ومحد بالبيت كلهم..لأن كرايبهم عدهم عرس والي رايح العرس والي مشغول والحراس بس بالبيت...وزوجها راح ويه الشيخ....
شوي وشافت سيارة دخلت الكراج وبيها ابن الشيخ الجبير وزوجها خلف وياهم..وونزلو...وكأنه الله ارسلهم الها...وهسة المغرب ماينعاف العرس...
والشيخ ابو عزام وياهم شافها هيج متألمة..وكال بنيتي سميحة شبيج يابه...
باوعت لزوجها وكالت بألم..دخيلك خلف راح يجي الطفل..وهو ارتبك وراحلها بسرعة واحتار بهالمطر وين ياخذها ومنو ياخذها...
التفت على عزام وكله لبسها عبايتها وتعال اخذكم..عزيز وغالي انته عمي..وراح جابلها عباية وياها مستلزمات الطفل..ولزم ايدها...
ابو عزام:بالسلامة يبويه..دير بالك بويه عزام دنيا مطر
عزام:لتخاف بويه عيون الصكر ماتغفل..وصعد السيارة وخلف صعد سماح وره وفتح الكراج من جديد..وتلطخت ملابسه بزخات المطر...
وصعد يم عزام وظل يباوعله..ويعرف مرارته صار ست سنوات مزوج وماعنده طفل..وشكثر يعز ويحترم هالأنسان...
وشكد طيب وانسان بمعنى الكلمة وكريم واخلاقه ونعم الاخلاق بس ربي مانطاه ضنه..وتمتم بلسانه يارب بحق هالروح الي تطلع من روح ترزق عزام طفل يفرح كلبه....
كال سماح يابه انتي بشدة ودعاءج مستجاب ادعي لابو معتز بضنه..وهي متألمة كالت الله يجبر بخاطره بطفل....
عزام:الله يسلمج خويه ويكومج من هالشدة..ويقر عينكم بطفلكم..بس هاا اذا بنية انه اسميها..لو مختارين اسم الها
أنت تقرأ
الحليب المُر
Romanceقصة حقيقية تبدأ قبل 25 سنة عن بنية تعيش بيت الشيخ وربت عدهم وهو سماها من ولدت تكبر وتعشكه...واخوه يحبها بنفس الوقت...شاءت الاقدار وتصير حليلة اخوه...وهنا تبدي رحلة عذابها ويه عشك الشيخ. يكلها ليله نجوم وجهج حيرني وخلني ليل ونهار صافن بوجهج احسبهن...
