💖ကိုကိုရဲ့အချစ်ခံလူသား 💖(Complete)

🍎part 43🍎

Unicode
Zawgyi
--------------
.
.
အချိန်အားဖြင့် မနက် ၈နာရီဖြစ်ပြီးတည်နေရာကား အပြည်ပြည်ဆိုင်ရာလေဆိပ်ဖြစ်၏။

လေဆိပ်အတွင်းရှိ ခုံတန်းပေါ်ငြိမ်သက်စွာထိုင်နေသောသားဖြစ်သူကိုထွေးပွေ့ရင်းချော့မြူနေသောအမေတစ်ယောက်။

အဝေးကကြည့်လိုက်မည်ဆိုပါက စူပုတ်ပြီးစိတ်ကောက်နေသောသားဖြစ်သူကိုအမေဖြစ်သူက အသည်းသန် ချော့မြူနေသည့်ပုံပေါ်၏။

သို့ပေမယ့်

"သား ဟိုရောက်ရင် အစစရာရာဂရုစိုက်နော်
အချိန်မှန်မှန်စား အချိန်မှန်မှန်အိပ် အရင်လိုဆေးမသောက်ချင်လို့ ခိုးပြီးလွှင့်ပစ်တာတို့မလုပ်ရဘူးနော် သားလူကြီးရဲ့စကားကိုနားထောင်သူကသားကိုတကယ်ချစ်လို့ အချိန်ကုန်ခံ ပိုက်ဆံအကုန်ခံ အပင်ပန်းခံပြီး
အစစရာရာလုပ်ပေးနေတာ သားကသိတတ်ရမယ်''

မေမေရဲ့ဆုံးမမှုကိုသူရ မျက်စိမှိတ်ရင်းနဲ့သာ
ခံယူလိုက်သည် ။

ညကတစ်ညလုံးအဖျားတက်ပြီး မနက်၄နာရီလောက်မှသာအဖျားကျသွားတာကြောင့် လူကအားသိပ်မရှိ။။

ထို့ကြောင့်လည်း စကားပြောဖို့ရာ သူ့အားကုန်သုံးရသည်။

ဒေါ်လေးကလည်း ပိတ်ရက်မှသာအားတာကြောင့် သူ့ကို လေဆိပ်အထိလိုက်မပို့နိုင်။

သို့သော် အိမ်မှ မထွက်ခင် နာရီဝက်အလွန်မှာ
ဒေါ်လေးက တစ်ချိန်လုံးထွေးပွေ့ထားသည့်အပြင် အားပေးစကားကိုလည်း အိမ်မှမထွက်သည့်တိုင် ပြောပေးခဲ့သည်မို့ ဒေါ်လေး ပေးသော နွေးထွေးမှုကို သူအပြည့်အဝခံစားရ၏။

ခု လေဆိပ်ရောက်ပြန်တော့လည်း မေမေ့ရဲ့ရင်ခွင်ထဲ ကလေးတစ်ယောက်လို ထွေးပွေ့ခံရပြန်သည်။

ဒါကို အစ်ကိုမိုးယံ က ပြုံးလျက် သဘောကျစွာ ကြည့်နေ၏။

ထို့နောက်မိုးယံသည်အဆိုးလေးတို့သားအမိဆီလျှောက်လာပြီး ရေသန့်တစ်ဘူးကိုဖောက်ကာ အဆိုးလေးကိုကမ်းပေးလာသည်။

"အဆိုးလေး ရေသောက်လိုက်ဦး ''

အစ်ကိုမိုးယံ ကမ်းပေးလာသောရေဘူးကို
သူရယူဖို့အခိုက်မှာ ဟိန်းထွက်လာသော
အသံတစ်ခု