💖ကိုကိုရဲ့အချစ်ခံလူသား 💖(Complete)

🍎part 47🍎

Unicode
Zawgyi
--------------
.
.
.
.
ဒီနေ့ဟာ ယံယံအတွက်အလွန်အရေးကြီး
သည့်နေ့တစ်နေ့ဖြစ်၏။

ယံယံကိုယ်တိုင်ဇယားဆွဲထားသော ယံယံ၏စီမံကိန်း​ဆောက်လုပ်ရေးများကိုတင်ပြပေးမှာဖြစ်သည့်အပြင် သက်တမ်းရှည်သောဝါရင့်လုပ်ငန်းရှင်ကြီးတို့ထံမှလည်း
ယံယံ၏ project အပေါ် လိုအပ်သည်များကို
အကူညီပေးမှာလည်းဖြစ်၏။

ထို့ကြောင့်မနက်၁၀နာရီ Meeting ကို
အထူးအရေးပေါ် Meeting အဖြစ်ပြောင်းပြီး
လုပ်ငန်းရှင်ကြီးမှန်သမျှမဖြစ်မနေတက်ရောက်ရမည့်အကြောင်း ကိုကို က သတိပေးထားတာကြောင့် အခုဆို Meeting ခန်းထဲ
လူတွေလည်းစုံလင်ပြီ။

ယံယံမှာ များစွာလှသောလုပ်ငန်းရှင်ကြီးများကိုကြည့်ပြီး ရင်တုန်နေမိ၏။

တင်ဆက်ရမယ့်အချိန်လည်းနီးနေပြီမို့ ယံယံ
သက်ပြင်းချရင်း စာတမ်းများကို တင်းတင်းဆုပ်ကိုင်နေမိ၏။

ယံယံတုန်လှုပ်နေမှုကိုမြင်နေသောကိုကိုက ယံယံ၏လက်ကိုဆုပ်ကိုင်ပြီး ပြုံးလျက်ပြောလာ၏။

"ကိုယ်ရှိတယ် baby ဘာမှတွေးမပူနဲ့ ဒီကနေအမှားအယွင်းရှိသွားရင်တောင် ဒါကိုသင်ခန်းစားလို့မှတ်ယူထားလိုက် ဟုတ်ပြီလား?''

"ဟုတ် ကိုကို''

ကိုကိုရဲ့အားပေးစကားတစ်ခွန်းမှာ ယံယံတုန်လှုပ်သမျှအရာအားလုံးပျောက်ကွယ်သွား၏။

မျက်နှာလေးလည်းရွှင်လာနေပြီမို့ ယံယံ့မျက်နှာကိုအချစ်ပိုစွာကြည့်ရင်း ကိုကိုက ဆိုလာပြန်၏။

"ကြည့်ပါဦးကွာ အမြဲအင်္ကျီလက်တိုဘောင်းဘီတိုနဲ့ကိုယ့် အချစ်က ဒီလို ဝတ်စုံအပြည့်နဲ့ကျ ရုတ်ချည်းလူကြီးဖြစ်သွားတာပဲ နာရီလေးနဲ့ဆိုတော့ပိုပြီး ကျက်သရေရှိသွားတယ်''

အဖြူရောင်လက်ရှည်ရှပ်အင်္ကျီနှင့်အမည်းရောင်အနောက်တိုင်းဝတ်စုံနဲ့ ယံယံဟာ တကယ်ကို မြန်မာနိုင်ငံသားလို့မထင်ရ။

ထို့အပြင် နက်တိုင်ပါစည်းထားသည့်အပြင်
လက်ကောက်ဝတ်တစ်ဖက်မှာ အမည်းရောင်
နာမည်ကြီးတံဆိပ်နဲ့နာရီကအခန့်သားနေရာယူထားပြန်၏။