حيدر ياحيدر ياحيدر ياحيدر
حبك ياعلي بوسط القلب اثر
رضعنه حبك للطفل بي يكبر
يالتشفع النه ياعلي بالمحشر
....
مانرضه بغيرك لا يخو نبينه الله ورسوله نصبوك علينه
نتفاخر انته ياحيدر ولينه
نشرب من ايدك ماي عذب الكوثر
....
زكيت بخاتم ياعلي من تركع
شمس الله لعيونك ترد وترجع
كرار وبصولاتك نضل نسمع
ياقالع الابواب تشهد خيبر
......
اول خليفه ويشهد بهذا الكون
وثاني بكساء الا حيدر مرهون
انه اصرخ بحبه واريد يسمعون
نبقى اعله حبك حتى لو نتوذر
.....
نهواك موتعويد بس حب فطره
ويوم الصراط باسمك احنه نعبره
ياوالد الايتام واب للفقره
نهواك واليهوه ابد مايخسر
......
المايك عطاشا
ياعلي تروينه
بيوم الحشر ننخاك وتنجينه
لو عالنحر عاذل وضع سجينه
اتفاخر بموتي على حبك وانسر
.....
للخادمه ام عباس الخفاجي
أنت تقرأ
من نهل الانوار المحمديه(ج١)
Poesíaابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
