يا امامي ياحسين
يا امامي ياحسين
ببينه حالت سنين
يا امامي ياحسين
٠٠٠٠٠٠٠٠٠٠٠٠٠
ابن حيدر وابن زهره
الخيل داست على صدره
حايره زينب الحره
حضنته وتسجب العبره
تكله خويه حسين خويه
زيدت وني ونين
٠٠٠٠٠٠٠٠٠
شوفه تحضن الاكبر
القاسم ويم المشكر
ريت يوم الغاضريه
يخوتي وياكم اتوذر
جعفر وعثمان اخوتتي
صرخت يا ام البنين
٠٠٠٠٠
ناصر ولا ضل معين
والحرم مرعوبه ضلت
وحدك بنص الجيوش
والمنيه عليك حطت
يصرخ السجاد بويه
وين عني الحيل وين
بينه حالت سنين
٠٠٠٠٠٠٠٠٠
علكو راسه اعله ساري
كطعو جسمه ببغيهم
اخذو عياله سبايا
بالحبال مجتفيهم
تشوف هالاطفال تصرخ
راح كافلنه لوين
٠٠٠٠٠٠٠
زينب تحاجي الكفلها
عيلتك راحت زلمه
تكله والشبان صرعى
الجثث وشلون المه
تدير لحسين بنضره
تشهك وتهمل العين
٠٠٠٠٠٠٠
احنه شيعتكم ننادي
بدمع تمنينه يمكم
ريت بارض الغاضريه
نموت بس ماشر يمسكم
بحسره نلطم يالغوالي
بينه حالت سنين
بدمعه يصرخ كل موالي
يا امامي ياحسين
*****
للخادمه ام عباس الخفاجي
أنت تقرأ
من نهل الانوار المحمديه(ج١)
Poesíaابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
