من نهل الانوار المحمديه(ج١)

بقلب موجوع اهل دموع

بقلب موجوع.....اهل دموع
واذوب بالبجي عيوني
واذوب بالبجي عيوني 
.........
بيوم العاشر المحتوم
باب الخيمه اعبره
انه الماشاف ضلي انسان
طلعت بيوم  عاشرها
اعبر خيمتي يحسين
غصب ياخويه وانضرها
نار الوجت اعله الباب
اجت للخيمه تسعره
جيوش السيل   وحوافر خيل
غريبه لوحدي خلوني
.....
اشوفنك جسد مطروح
تدوسك كل حوافره
عيالي فرت من للكوم
تسحكهم   عساكره
اركض واعثر بهالحال
واعاين حالك انضره
وصلتك خويه اه يحسين
نار   لروحي   تسعرها
اشمك واللطم اعله الرس
شلون جروحك اجبره
الكسور تهون  تكلي شلون
لون للمنحر يحزون
............
رجعت وصوتك اباذني
يزينب ردي لعيالي
تراها الكوم ماترحم
اخاف تتيه اطفالي
لاتنوحين يازينب
تشمتين العده كبالي
واشهك بالبجي وكوه
اون بسكته يالغالي
جمعت اطفال قهر جتال
هلي بيا حاله تركوني
.....
ركضت التلة الاحزان
جمعت العيله يالوالي
يخويه وجن تغيب ا لروح
من راسك صبح عالي
منك ايست يحسين
راح اليرحم بحالي
احشم ما سمعت جواب
منهو الساعه يبرالي
تذوب الروح ....على المذبوح
عليك العيله نشدوني
...........
اصد للمشرعه بلهفه
والمح طيحت الرايه
واحشم لو يفز عباس
يحامي العيله ويايه
حرمه وهالولاني الخوف
يامن بيك رجوايه
جن عباس اخويه يعود
ونشرب من عذب مايه
يراعي الزود  بديك الجود
واكلك خويه ضربوني
....
صحت ياخويه انه احتاجك
عليك دموعي جرايه
جني اسمع همس  عباس
ليج اتعنه عنايه
لكن مابقتلي جفوف
سهم والطبره ودمايه
طاحن عل ارض كلهن
تبده الجود وي مايه
اعذريني .....نخيتيني
يريت الحال بيه رجوع 
.......
يخوتي وليلة الوحشه
صعبه اشرحه يامضلوم
جمعت اخيام الحتركت
سترت عيالي عن الكوم
اطفالك تون تنام
تعبهم عاشر الميشوم
واشوف الكوم فرحانين
واخافن لو يجيني النوم
سهر وونين  كبرت سنين
وسياط الوسمة متوني
.....
للكوفه اصد العين
احضر ياعلي هاليو م
ساعه ولن سواده تطوف
واسمع صوت ابي الجيدوم
يزينب غمضي عيونج
بوجودي ما يجوج الكوم
ولو وصلو اطشرهم
واراويهم قضا ومحتوم
شكت همه علي يمه
تكله الكوم يسروني
.......
حادي عشر جن لاجيت
ولايومك يمر بينه
فوك السمهريه الروس
والعدوان  اجت لينه
هاذه يربط النه حبال
وهاذا بصوته يولينه
وهاذا يشتم بحيدر
وهاذا يشتمت بينه
عطاشا وخوف صليل سيوف
بالطف اهلي ضيعوني
........

اون سكته وادك الراس
واهمس خويه ذلينه
يابدر التمام الغاب
يعباس الحك علينه
ترضاها الشمر يحدي
يشد حبال بيدينه
حي اعلى اليسر صاحو
وكلها تشمتت بينه
يجتفوني ...يضربوني
بت حيدر يسبوني
.........
شماته وذلة العدوان
يسيره وللسبي ماشين
لا واحد رحم بعيال
لاعدهم مروه ودين
على الناكه واودعكم
ينيام الثرى مودعين
اعذرني كمر عدنان
بعدكم عني سهم البين
اروح هناك  انه بلياك
ردت منكم تودعوني
.....
مودع بالله يامذبوح
يبن امي اخويه حسين
ويانه تحن النوك
بجانه فطر الكونين
جرونه بحبال الكوم
عن اهل الوحي ماشين
اروحن لو اضل هنا
ردو ياهلي الطيبين
رحت عنهم ... واعاينهم
حسافه الكوم بعدوني
........
للخادمه ام عباس الخفاجي