الكعبه المن ولدت وشكت جدار
هذا يا مولود طلكت جابته
منهو اول من دخل الاسلام امن
ومنهو احضان الرسول الربته
منهو ماراكع الغير الله ابد
ماسجد لاصنام رافع هامته
منهو سيف الله اليسير اعله الارض
منهو شد جفوفه بالفقار ساعة صولته
منهو حتى الجان من رادت تتوب
ركعة كباله تحيه الهيبته
منهو زوج الطاهره بنت الرسول
والد السبطين حي الجابته
منهو رد الشمس من رادت تغيب
ردت وصلت كرامه الرادته
منهو ثاني بمجمع اصحاب الكساء
منهو اخه المصطفى بنص غربته
منهو ادى العهد بفراش النبي
منهو ضحه للرسول بركبته
منهو وسط الحرب دافع عن اخوه
درع صار وحامه دينه بركبته
منهو كافل كل يتيم اعله الارض
وقاسم المحتاج حتى بلكمته
منهو زكى امواله في حال الركوع
منهو تنقاس البشر بعبادته
منهو ايد الهادي تنمدله ويصيح
هذا واليكم اريدن بيعته
منهو من رب البشر صادر قرار
واجب اعله الناس كله طاعته
منهو باب الكفر كدامه تطيح
وعادل الاسلام قوة ضربته
منهو معبر كل محب فوق الصراط
منهو للجنه تزفنه ولايته
غير حيدر مايلوك الهل كلام
الله شرفنه بجلال محبته
واحنه نفخرغير حيدر مانريد
بين العوالم صار اسمنه شيعته
.......
للخادمه ام عباس الخفاجي
أنت تقرأ
من نهل الانوار المحمديه(ج١)
Poesíaابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
