انه ام البنين اسمع وصيتي
يبني يا عمد صيوان بيتي
عباس انه امك
حك ارباي اطلبك
يبني ياعمد صيوان بيتي
٠٠٠٠٠٠٠٠
تكفل زينب بساعة سفره
تحاميه وتباريه بخدره
لاختك صير واليه وضخره
لو مرهه خطر ضل بكتره
بت حيدر ارعاها ضل رافع لواها
حتى لو جرى عالغبره دمك
٠٠٠٠٠٠٠٠٠٠٠٠٠٠
حليبك يالبطل حر انته تدري
احلفك بيه ياحماي خدري
تريدن ارضه عنك طول عمري
لجل حسين خله دماك تجري
قاتل ويه الحسين
لجله ضحي بالعين
ضم جودك الصدر ك
٠٠٠٠٠٠٠
اسمع يبني يافرحتي بدنياي
لو طلبت اطفالك منك الماي
اكصد للنهر يوليدي عناي
واروي عيلتك يالبة حشاي
ابد لاتهمك عداك
لا لاتطيح لواك
بصمه اعله النهر
لو طاح زندك
حك ارباي اطلبك
٠٠٠٠٠٠٠٠٠
دك صدره الجفيل وصاح عوناج
البي وصيتج وكل عهدي وياج
اوفي بكربلا وانه اعله يمناج
ابن حيدرييمه وانه ارباج
لخلي اعداي بالميدان تندك
كالتله اعرفك حك رباي اطلبك
٠٠٠٠٠٠٠٠٠
تعرفيني اطره الحومه بلواي
لجل حسين يمه انطي عيناي
عباس انه اشبهج طبعي وفاي
تفر من هدتي يالغاليه اعداي
دك بيده اعله صدره انه اكفل الحره
تكله النعم منك حك ارباي اطلبك
*****
للخادمه ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
