كتبت حروف اسمج بيه انه احتاريت
بيهن كل حرف شايل الف حسره
حرف الزاي ذكرني بمصاب الباب
شفت زهره الزجيه بساعة العصره
كمت اربط اسم ومواتر الاحداث
هل مني الدمع قطره باثر قطره
كتبت الياء بيه سمعت ذاك الصوت
ياحسين تِحشمك اختك الحره
كتبت النون شبت بالقلب نيران
نار الباب نار خيام مستعره
مارايد اكلك باء بيه احتار
شكتب باب خيبر والاجه يكسره
كتبت الاسم وانه مغمض العينين
لان هيبه الخذتني غضت النضره
اسمج بي بخت لو ينكتب بحجاب
لان بس الله يازينب عرف قدره
ياكعبة الباري وياكساء الال
يامسجد الكوفه وباب للزهره
يمن اسمج يهز عروش للضلام
تورثت شجاعة حيدر وصبره
تشهدلج طفوف وكوفه وارض الشام
يمن ربج حباج بعصمة الصغره
تسطر بالاسم احداث هذا الدين
يعني ننادي زينب دينه ننصره
........
للخادمه ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
