ضرب سياط ماهزه والمه
تدير العين للهادي ولامه
تنادي دموم ولياني ارد المه
وللباري اقدمه هديه
٠٠٠٠٠٠٠
حزني البلقلب جاوين اودعه
وانه المالحكت لحسين اودعه
يضربوني واصيحن خويه ودعاه
هظيمه بينه تحول المنيه
٠٠٠٠٠٠٠
شفت راسك يصد ليه على ارماح
يل شفت النحر برفاس ورماح
يضربونه الكفر ياخويه ورما
حركوهه الخيم بالغاضريه
٠٠٠٠٠٠٠٠٠
انه مخدرة حيدر علمتوني
على لم الشمل بيكم علمتوني
مجتفه بحبال خويه وعلمتوني
يلد السوط من ابن الدعيه
٠٠٠٠٠٠٠
على السجاد ادموعي ارد اهله
بعدك عفه اعله الدنيه واهله
انه التربان انثره واهله
على المسموم اضل اصفك بديه
٠٠٠٠٠٠٠٠٠٠
انه محيره ودهري علي دار
زماني وانبنه يبني علي دار
يعبد الله حليبك هل علي دار
طفلي ياخلك راح من اديه
٠٠٠٠٠٠٠٠
هضيمه اليوم انه بضعوني عديت
حسبت الراحو من ايدي وعديت
تراني حسبت بالعشره وعديت
شريد احسب على الراح من اديه
٠٠٠٠٠٠٠٠
يخويه سمعت حيدر من وصالك
بزينب ابد لاتكطع وصالك
من شفت السهم صابك وصالك
كلت راح الجفيل وهاي هيه
٠٠٠٠٠٠٠٠٠
نجم سعدي يجافل غاب واغرب
وصفينه على مجمعكم اغرااب
مشينه بالضعن ياخويه وغراب
المنيه يحوم بارض الغاضريه
٠٠٠٠٠
ترابي من بعد زينب ترابي
مات حسين لو روحه ترا بي
على الوليان اهيل اني ترابي
وادك صدري على الراح من اديه
٠٠٠٠٠٠٠٠٠
اريد اطحن حزن للروح والهم
على حيود الكضو بالعطش والهم
ينعه العرش والقران والهم
بجت سابع سمه لاهل الحميه
٠٠٠٠٠٠٠٠
زينب الحزن صاير ورده
ذبل بفراك ولياها ورده
تنعه الذي وداهه ورده
ولا واحد كفيل الهاشميه
*******
للخادمه ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
