ناعي اعله الجسر يصرخ
الشيعه راح واليه
راح الي بغرب مسجون
سجادته يطويه
مسجى والنفس مقطوع
وقيوده الاثر بيه
للكاضم اجت هالناس
عالموعد يشوفونه
ميت مو عدل شافو
ومحد غمض عيونه
ياشيعة علي الكرار
واجبكم تشيعونه
مصاب الما اجه عالبال
حماميل يذبونه
ويلي موتته بيا حال
من سمهم يجرعونه
طايح بالسجن مسموم
وشماته يحضرونه
قرانه انطبك ياناس
واهله مايحضرونه
سنين الي مضت ساجد
بطاموره يسجنونه
لانور اليصل يمه
لاشافت ضوه عيونه
واغلاله تنازف دم
بالرطب يسمونه
لاهل يمه ولا اولاده ينغرونه
للكاظم تهل العين
والاملاك يندبونه
فجرية حزن ياناس
واجب لن تودعونه
ودو النعش للتكفين بعد ماتغسلونه
وجمعو الساعة التشييع
وحده لاتعوفوننه
ونذكر بالمصاب حسين
من العده ينحرونه
لاغسل وبلا تكفين
بحر الشمس يرمونه
بلا رحمه تدوسه الخيل
ضامي ومنخطف لونه
للكاظم تهل العين
شيعته يندبونه
وعبره بالصدر لحسين
بكل ماتم يذكرون
.......
للخادمه ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
