من نهل الانوار المحمديه(ج١)

ثورة ال لا

كلمه كال حسين وبروحه فداها
على مر اجيال يتردد صداها
كال لا للطغاة عبره طول الحياة
على مر اجيال يتردد صداها
٠٠٠٠٠٠٠٠٠٠
جبل ماكدرو يهزوه الطغاة
اخذ عن جده وابو كل الصفات
بي نبوه وبي امامه ومعجزات
منك تعلمنه ييحينه الممات
منو مثلك واجه الموت بثبات
منو دمه سال للشهاده امثال
بكربلا امثال والينه نطاها
٠٠٠٠٠٠٠٠
هدم اركان الضلاله والشرك
فده دينه بدم وريده المنسفك
شلون دين الله بوجوده ينتهك
منه حتى الموت خايف مرتبك
مايذل للموت عل المنايا يفوت
طاحت التيجان لائه من حجاها
٠٠٠٠٠٠٠٠٠٠
ياعقيده اصبحت للشيعه نور
عالضلم مولانه علمنه نثور
دمك الطاهر يضل عبر العصور
من نمر بضيم وي دمنه يفور
نستمد العزم من دك الصدور
ياحسين نصيح اسمك التوضيح
كل معاني الشرف هذا اسمك حواها
٠٠٠٠٠٠٠٠٠٠٠
ثبتت للدين رايه بكل فخر
انته علمت الكرامه للبشر
صعبه عالشيعه مصابك يالاغر
ابد ماننساك نتحده الدهر
حسين ما ننساك للحشر وياك
رايتك يحسين كل احنه فداها
٠٠٠٠٠٠٠٠٠٠
ياضمير الامه يامعنى الوجود
انته حتى الموت علمته الخلود
صحت كلمة لا وبنفسك تجود
خانو الاسلام من خانو عهود
ماتهمك حرب لاكثرة جنود
صرخة الاسلام من بطل ضرغام
كعبه الاحرار شيدها وبناها
٠٠٠٠٠٠٠٠
للخادمه ام عباس الخفاجي