زينب للنجف كصدت حزينه
يم كبر الولي تجيب الضعينه
ياحيدر علي كوم
شوف شصار بينه
٠٠٠٠٠٠
زينب انه وجيت احجيلك مصايب
يابويه عكب حسين مرتنه المصايب
يابويه ذبحو عباس وحسين
عفتهم عالارض فوك الترايب
ياحيدر واحاجيك اعلى حالي
ام الحزن سمتني النوايب
سبوني بكربلا وميسرينه
شام وللمدينه
٠٠٠٠٠٠٠
بويه الوالي جيت اشكيلك الحال
جيتك لاولي بس حرم واطفال
ترضاها اسير بولية انذال
بيكم انتخي والدمع همال
منهو الي يشيل الحمل لو مال
والجافل يمينه مكطعينه
من بعده يكرار انسبينه
٠٠٠٠٠٠٠٠٠
يابويه فكدت بدر الهواشم
وحسين وعلي الاكبر وقاسم
واولادي كضو طاهر ومطهر
وعبدالله الذي بالمهد نايم
عون وجعفر وعثمان ويلاه
طاحو عل ارض نسل الاكارم
نبجي بسكته بس نصفك بدينه
لو صحنه علي يشتمون بينه
٠٠٠٠٠٠٠
اهتز الكبر منه عله ونين
اترجاج يا زينب لتبجين
انه الكرار يالغاليه وتدرين
ما احمل اشوفنج تنوحين
صبري يالعزيزه الخاطر الدين
بينه ضمنو الجنه الموالين
للشيعه انفدينه بمصاب العلينه
٠٠٠٠٠٠٠٠٠
للخادمه ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
