ارد اكتب قصيده والك اهديه
ازف بيه تهاني العاشر العتره
واجمع ورد جوري وياسمين وياس وقداح لجلك ينتثر عطر ه
واريد اكتب الك ياسيدي بهاليوم
اكتبلك غزل والحب على الفطره
علي الهادي احبك من جنت بكماط
مثل عشك النجم من حاوط الكمره
امامي وافتخر واصرخ بعالي الصوت
علي الهادي اتبعه من جنت ذره
اجيت اليوم اهني سيد الكونين بمولد الهادي من بني الزهره
وافرشه الارض من فرحة العينين
وازف للوادم بهالمولد البشره
واسافر مو مشي اعله الكاع
وطيرن طير واهبط وسط سامره
واهني المهدي جدك ينولد هاليوم
يعني اقترب يومك جن يشع فجره
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
