نحشمك يبن البدويه
ياحامي الجود وراعيه
٠٠٠٠٠٠٠٠
ياضنوة حيدر يمعدل
عندك غيره وما تتحمل
عطاشه عيالك ماتقبل
تترجاك بشربة ميه
٠٠٠٠٠٠٠
نعرفك مغضب من تهد
تبرقه وتمطره وترعد
سيفك يحسب بيهم ويعد
اولهم يتبع تاليه نحشمك
بين البدويه
٠٠٠٠٠٠٠
هز الرايه وجودك شيله
اروي الطفالك ويا العيله
حسيين يريدك توفيله
جيش اعداك اخبط صافيه
٠٠٠٠٠٠٠٠٠٠٠
شتكول وعطشانه سكينه
ياعمه جا وعدك وينه
تروينه بجودك تروينه
ديارك بيك المحميه
٠٠٠٠٠٠٠٠٠
ياشبل الكرار مجرب
سيفك بدماهم يتخضب
جن حيدر من بيهم تضرب
يسلم هالسيف وراعيه
٠٠٠٠٠٠٠
هذا الجيش بجود طره
والتاريخ بسيفك سطره
خل لحوم اعداك مطشره
الضربه بسيفك مدويه
٠٠٠٠٠٠٠٠٠٠٠
ياحيف يكطعون يمينك
ويسارك والنبله بعينك
والطبره الطاحت بجبينك
وفيت وهاي المرجيه
٠٠٠٠٠٠٠٠
حركوه خيامك يموزم
والجيش اعله ضعونك ملتم
صدر حسين بخيل تهشم
والرايه بصفك مرميه
.....
ماترضاها انضربت زينب
موعدها ويه الشام تگرب
ليك تدير العين وتنحب
رجع ياخوها المسبيه
******
ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
