من نهل الانوار المحمديه(ج١)

راعي الغانمه٠٠٠حماسيه

هذا راعي الغانمه العباس مشكور
هذا راعي الغانمه العباس مشكور
٠٠٠٠٠٠٠٠٠٠٠٠٠٠٠
نزل للميدان يهتف
انه ابن خير الوره
انه عباس الجفيل
وانه سبع الكنطره
نزل وخله جثثهم
عالتراب موذره
مله جوده ورد
عليهم دار بيهم دايره
صابه عامود الغدر
حاوطو من كل كتر
صاح خويه حسين
خويه الراس مطبور
٠٠٠٠٠٠٠٠٠٠
حسين للعباس نادى
شلون يم الشط تطيح
والعلم منهو يشيله
والحرم تنخه وتصيح
جيت يالعباس خايف
ساعه اوكف ساعه اطيح
بلكي ترجع خويه ليه
قلبي يهده و يستريح
الف وسفه اعله الجفوف
طايحه بوادي الطفوف
الماي من جوده تبده
العلم مكسور
٠٠٠٠٠٠٠٠٠٠
كلم حسين العقيله
كله بت حامي الدخيل
راح اخويه حزام ضهري
راح من عدنه الجفيل
غرب العباس عنه
وخله جمره بالدليل
انه ماحسبت يختي
شلون ساريه يميل
شلون احامي هالخيم
طاح شيال العلم
خويه طاح اعله الشريعه
وقلبي مفطور
٠٠٠٠٠٠٠
هلت عيون العقيله
ومن قلبه اسمع ونين
تكله ياعباس خويه
تعوفني مغرب لوين
مو وكته تعوف زينب
ولاتعوف انته الحسين
حرنه باطفال وضعينه
كوم يبن الطيبين
كوم يابو الموزمه
خويه حماي الحمه
تبجي عل راح من اديه
الجفه مبتور
.......
دمعت عيون الجفله
ومنه سمعت ونته
لسان حاله يكول يختي
شوفي زندي وحالته
اعتذر منج يزينب
عوفي قلبي بحركته
اعداي طيحو جودي
مني ومايه عالكع بدته
وبسهم مسموم خلو
وسط عيني نبلته
يختي منج اعتذر
سهم وجفوف وطبر
نادته عباس المن عفت الخدور
.....
حسين والدمعه اعله خده
صاح يازينب حصل
راح اخويه الجان ضهري
بقيت وحدي بلا اهل
مابقه غيرج كفيله
لوگرب مني الاجل
حامي خدرج يالعقيله
يابنت خير العمل
لمي عيالي يزينب
لايصيبنج وجل
ولو مشيتي لليسر
يحدي بضعونج شمر
واخوتج بالطف رميه جنهم بدور
....****
للخادمه ام عباس الخفاجي