اريد احجي عدل هيهات يوم يميل
واكتب عن الخوه والي يندله
اول خوه بيه ينكتل هابيل
معناها اخوك الخوته يفله
لو اضرب مثل عن يوسف الصديق
احجي بلا تردد سيره انقله
اخوته ببير اضلم غدرا يذبوه
لانور اليشوفه ولكمه ياكله
بعد ما امن ولا اكول اخويه بزود
لان خايف زماني الخوتي يحله
خوفك من اخوك اليمشي ويه عداك
سجاجين العداوه بضهرك يخله
ماهمك لون تتكاوه ويه الكون
شتكول واخوك الايدك يشله
كمت ماصيح اخويه واعتمد فديوم
بس موقف خذاني افكاري بدله
قوانين الاخوه من وكف عباس
بجفوفه الكطيعه اليوم عدله
جسده ويه زينب من لفاها الضيم
دك بيده اعله صدره وصاح كافله
ماخطه بقلم يكتب عن الخوان
بعامود ونبل بالجود سجله
مايحتاج جفه من يفهم الناس
على حدود النهر بدماه ينقله
رسالة وفه خط عباس بالميدان
لاخوه حسين ويه الروح وصله
أنت تقرأ
من نهل الانوار المحمديه(ج١)
Thơ caابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
