غربت عنه اليوم زهره الزجيه
نواسي بالاحزان سيد البريه .
....
ياطه هاذا اليوم بنتك تجيلك
عن الجره والصار جن تشتكيلك
لحال الوديعه يذوب منك دليلك
والدمعه من عيناك تنزل هميه
........
اساله عالبسمار من رض ضلعه
بالعصره خلف الباب واهمت دمعه
من اللطمه حمرة عين واثكل سمعه
ومحسنه يم الباب طايح رميه
........
ياطه واسمع هاي حيدر تقيد
يتلفت بيا حال ماعنده مسند
وبابه وجو نار ماضنه تخمد
اسسو ذاك اليوم للطائفيه
..........
بنتك تجيك اليوم مدمعه يهمل
تشكيلك بعبرات والعبره تكتل
ويه الدمع نيران ياطه تنزل
بدار الحزن تنعاك صبح ومسيه
...............
ودعوهه بالدمعات حيدر نعاها
خامد نفسه اليوم واخفت بجاها
ياحالة الحسنين كلفه وراها
طعم اليتم ضاكوه وطعم الاذيه
......
يالمصطفى واخبار اسمعه تجره
ضلع السبط بالخيل والادهى نحره
والخيم مثل الباب تلهب مسعره
نودع بهل اليوم زهره الزجي
....
للخادمه ام عباس الخفاجي
أنت تقرأ
من نهل الانوار المحمديه(ج١)
شِعرابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
