علكت الروح شمعات اعله دربك
وسهرت اليل انطر يمته اشوفك
من صغري وعلى دروبك اناطر
ارسم عل الرمش لمحة طيوفك
عفت كل الاحبهم مرو هواي
بس مولاي اموت ولا اعوفك
يمن اسمك يدك بالنبض والروح
تفز روحي لون مرت حروفك
يكولولي العشكته ماهو موجود عليمن تنتضر وعميت شوفك
اكلهم ابقى اناطر ليلي ونهار
وصيحن سيدي يايوم اطوفك
ياكعبة شرف غابت عن الانضار
يانهر الكرامه احيا بجروفك
ياوارث الال ونفحة الرحمان
اريد تعود اخلي جفوفي بجفوك
يغالي ارحم بنضره هل غزاني الشيب اشوفك كون وهاذ معروفك يابدر التمام النور الكونين
طالب ثار جدك واشهر سيوفك
مولاي الشماته هدمت الدلال
تخل طعنات بيه واعذر ضروفك
وكالو انسه يضهر لاتضن تلكاه
رد خايب تراه بعيد موصوفك
كلتلهم اذوبن عالدرب شمعات
واعد ايام جيتك واكتب حروفك
يمهدي مناطرك كلش صعب عالروح
كلي يمته تضهر تشهر سيوفك
يمته واحجي بزوتي وعلات الصوووت ضهر قائمنا واحط ايديني بجفوفك
.....
للخادمه ام عباس الخفاجي
أنت تقرأ
من نهل الانوار المحمديه(ج١)
Poëzieابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
