بقلمي على طور المرحوم سالم الصافي.. يوم الحشر
.......
العبدالله تهل العين
والدلال يتصدع
شاحب مسبل الايدين
اناغي الولد مايسمع
.....
....
عبد الله يهل نخوه
ايريد الطفل يرضع
ناشف بالعطش صدري
اخافن للنفس يكطع
لونه من العطش مخطوف
روحي عليه تتصدع
جن يعلم دليلي الحال
من منضره يتوجع
ادعي وتهمل العينين
اخاف رويحته تطلع
.........
من دوحة رسول الله
برعم من بني الزهره
انه الناطريته سنين
من الله الي بشره
طفلي واغله من العين
عد رب الخلق سره
سلوة الي وروح حسين
شابح ليه بالنضره
جنه بآخر الأنفاس
خاف يروح مايرجع
.........
جيت العمته مفجوعه
يا زينب دلحكيلي
ابني راح من ايدي
يالعمه انهدم حيلي
قطرة ماي من حسين
العبدالله دجيبيلي
ضاع رباي يالحره
ضاع ويا سهر ليلي
اخذي الطفل للمضلوم
من قلبي الحزن شيلي
انه والده منيتي
ابني بوجهي يتنوع
........
زينب حايره شتكول
طفل وما اله چاره
وسفه يعالج بروحه
عليه الدمع يتجاره
لحسين اعتنت تلهث
ونار القلب ياناره
اطلب ماي من الكوم
والهم انقل اخباره
كلهم طفلي راح يموت
بلكت بيهم اليخشع
.....
شاله الضامي المحزون
حاجاه والقلب مهموم
خل اكرب واشم عطرك
جنه موتك المحتوم
توجهه بيه للحومه
رافع ابنه صوب الكوم
شربة ماي دسكونه
طفل من العطش مالوم
اخذو الطفل ماريده
لليروي اجر ينفع
........
ناس تصيح ها نرويه
وناس تكول خل يموت
وحسين انفجع قلبه يحاجي
ابنه برهيف الصوت
بلكت ماي يروونك
وترجع للخيم بسكوت
سبعين الف ما واحد
حن قلبه وعليه يفوت
ولن صوت الدعي يعلى
صوبو الطفل حتى يموت
نكطع نسل داحي الباب
وعياله تصير شتوت
عبدالله انذبح ضامي
وجبد حسين يتلوع
.....
للخادمه ام عباس الخفاجي
أنت تقرأ
من نهل الانوار المحمديه(ج١)
Poesíaابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
