فزت ورب الكعبه صاح الوصي بالضربه
فزت ورب الكعبه
الشيعه ليه توجهت
الشمس بدماه اشرقت
للباري حيدر لبه
٠٠٠٠٠٠٠٠٠
تهمدت اركان الهدى عروة الدين انفصمت
اخر سجود اليحضره بيه العوالم سجدت
والارض صاحت ياعلي السمه لجلك حنت
ومنبرك متخضب دمه هيبة الدين انطعنت
فجريه ماطره الضوه كلفه على الشيعه وصعبه
٠٠٠٠٠٠٠٠٠
جبريل ينعاك بحزن هلن دموعه لحالتك
يابو الايتام تمددت صعبه نسمعه الونتك
ايتامك ببابك لفت ضنه وامله شوفتك
عالراس هلوهه الترب وبحركه جتك شيعتك
حل ت عالراس مصيبتك عالشيعه اعضم نكبه
الصوت زلزله الارض فزت ورب الكعبه
٠٠٠٠٠٠٠٠٠
وشحال زينب من لفت مفجوعه تجري العبره
اسم الله اعله راسك يالابو براسي ليت الطبره
ضيعت حجيه المنضرك يحجي دمعه بعبره
يابويه جرح الصوبك منه ماضنك تبره
انشلت يمين الصوبك كون بجبينه الضربه
٠٠٠٠٠٠
فتح عيونه المرتضى من عده هل المدمع
كالله يازينب علي صعبه دموعج تطلع
ضمي الدموع الكربلا منه القلب يتصدع
نادت يبويه ترجته للموت ابد لاتخضع
يل ما خضعت ولا حرب منصور دايم ترجع
وسفه ياحيد الموزمه تغطيك وتربه
٠٠٠٠٠٠٠٠
صاحت يابويه ونتك ماله صوت نسمعه
وجبينك شو جنه عرك ويلالي مثل الشمعه
جاوني وهاك اخذ القلب وارحم جروحه وصدعه
يابوي لاتكول انتهت روحي ماتحمل فجعه
بالامس امي توادعت جروح القلب ملتهبه
٠٠٠٠٠٠٠٠
حيدر نده يابا الفضل خافت طلع منه الصوت
وصيتي يبني البطل ماتترك اختك للموت
يوليدي هاي ام الخدر ماغيرك للخدر يفوت
وبكربلا انته الحما لاتتركه الضرب الصوت
كفكف دموعه ابن الفحل حاضر انه الكل صعبه
٠٠٠٠٠٠
كربت اذنه بكل الم تسمع نفس والده
يالحسن شو جنه خمد شهكت وتنخه بجده
دخيلك يجدي المصطفى حضري يزهره الشده
نادت حسين من الابو جن ايست من عنده
اهوت على صدره وهوت مثل السجد عالتربه
٠٠٠٠٠٠ فزت ورب الكعبه
للخادمه ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
