شور
.....
ياحادي الضعن معلوله تدريني
هيد بالمشي يالماخذ حسيني
حسيين حسيين حسيين حسيين
.......
بويه يل عفتني وداعت الله وياك
عفتني بلا اهل
والمرض رامييني
وحشه الدار بعدك
والاهل وياك
اصيحن ياهلي دمعاتي بعيوني
ردت منك يبويه وعد وتردون
يالماجاوبت المن تخلينيي
.......
دارك موحشه واسمع بچي الحيطان
بفراگك صفت تنعه وتواسيني
من علتي نمت بعيني اشوفك طيف
تمسح جبهتي وانته التداويني
فزيت اعله همسك وا لگلب مالوم
واتلفت صفيت يساري ويميني
مابين الغرف اركض ركض ملهوف
مابيهن ركن اصبح يلفيني
.......
عيني اعله الدرب اصرخ ترد يحسين
بنتك انه ليش اليوم ناسيني
صرت الثم ترب اشتم اثر لاجدام
وانشد بالرياح بحاله خبريني
غرب والدي وكل الاهل ويا
ماخذ اغله ناسي شلون يجفيني
...........
سموني العليله وعلتي الفراك
جمر بعاد اهلي بنار يجويني
ماردو الي ولامنهم احد عاد
ولا منهم خبر يوصل يهديني
خافن ماترد دلالي يشبع ضيم
عطشانه اعله شوفك بويه ترويني
ريت وياك اروحن واحمل اللوعات
واعطش بويه والجتال يسبيني
.......
واتحمل اموتن بويه عالمسنات
ويه جفوف عمي تطيح جفيني
ويمرني اليسر بس كون اخذني وياك اعلك شمعة الشبان بونيني
اضم اعله الصدر عبدالله واتمناه
من حر الجرح يصحه ويناغيني
بويه وللنحر نتشابك انه وياك
بيدين الشمر اختمه لسنيني
......
للخادمه ام عباس الخفاجي
أنت تقرأ
من نهل الانوار المحمديه(ج١)
Puisiابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
