يشبان علكنه شموع زفتكم يشبان
نحني جفوفنه بدمكم يشبان
عمتكم ترى نصبت الصيوان
.....
جاسم نزل هد معتني
غيمة غضب رعيده
شبل الحسن رد العده خوفهم بوعيده
صال وضرب جنه علي وبصولته الجديده
يخافون منه الجيش جن كلهم يخافون
يمنه يسار من يجبل يفرون
رمله تصيح محروس من العيون
.........
الاكبر شبه وجهه النبي وحيد علي بصفاته
منه العده تراجفت
عاد النبي الحياته
بسوح الحرب لمن هجم تباشرن خواته
امه اعتنت الطرف الخيم تنشر شحلاته
بالعيون عليك تدور دمعاتي بالعيون
ريت عداك من ذبحك يجوزون
ماضن يالولد بامك يرحمون
.....
حزمة زلم جنهم بحر
موجه اعتله بخطرهم
لوزمجرو وسط الحرب ماينحزر خبرهم
شبولك علي ماقصرو منك خذو فخرهم
يهدون كمرهم حامل الرايه ويهدون
احنه اولاد حيدر من يصيحون
امهم عكدت الشيله من العيون
......
نجوم السمه فوك الترب عالمشرعه لواها
صواني العرس للعرسو تنصبت بسماها
زفتهم اعله المكبره تخضبو بدماها
يشبان عفتو حسين بالحومه يشبان
تريد العمه فزعتكم يشبان
ذبح حسين روعها يشبان
.....
للخادمه ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
