جاسم اتعنه وتكرب يومه
عمي ارخصلي اطب للحومه
٠٠٠٠٠٠٠٠٠٠٠٠٠٠
كله ياعمي بعد ماضل صبر
بالحزن والهم صرت اكضي العمر
لحالتك ياعمي قلبي ينفطر
خلني للعسكر اجيب علومه
٠٠٠٠٠٠٠٠٠
جاوبه المضلوم من هم وفجع
يبني رد الخيمتك قلبي انصدع
امس ودعت الحسن والهم رجع
شلون اودعك والي يرجع يومه
٠٠٠٠٠٠٠٠٠٠
رد عليه ياعمي وصاني الحسن
ليك افدي الروح لو جار الزمن
وصه ابويه واصبحت ليه رهن
وصه بيك وصيته محتومه
٠٠٠٠٠٠٠٠٠
كصد الرمله وتعنه للخيم
علكي يايمه شمعتي خضابي دم
صعبه اشوفن عمي هالساعه انهضم
كولي ابني خضابه من دمومه
٠٠٠٠٠٠٠
حضنته رمله ومدمعه يهل
ياحياتي وضنوتي بيك الامل
يعز عليه يبني اشوفك منجتل
لاتقصر من تطب للحومه
٠٠٠٠٠
نزل للحومه هذاك ابن الحسن
صاح انه نجل الامام المرتهن
سيف المجرب بساحات المحن
جيت اصول وصولتي معلومه
٠٠٠٠٠٠٠٠٠٠
كثرة جيوش العده ماهمته
رجفت قلوب الابطال بصيحته
لجن ياوسفه بغدره حاطته
جيوش صارت عالولد ملمومه
٠٠٠٠٠٠٠
ناده ياعمي حسين الحك الي
انطبر راسي مثل طبرة علي
عمي حانت ساعتي وماضل الي
خل انام بحضنك اخر نومه
٠٠٠٠٠٠٠٠٠٠٠٠٠
حسين شاله بهم للمخيم كصد
صاح يارمله انجتل طير السعد
وصه ليج القاسم اوفي بالوعد
بكل شباب اذكريه ارسومه
٠٠٠٠٠٠٠٠٠٠٠٠
رمله مابين الخيم متحيره
ياحسين بقلبي نار موجره
عيني عل حومه وروحي مناطره
خاف ما ادى الوعد بالحومه
٠٠٠٠٠٠٠
كله يارمله ارفعي هامتج
بكل شجاعه الولد لبه وصيتج
يابنت الاكرام فلي خيمتج
عمد بيتج خضبو بدمومه
*****
للخادمه ام عباس الخفاجي
أنت تقرأ
من نهل الانوار المحمديه(ج١)
Puisiابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
