موسى ابن ....موسى ابن جعفر
ادى العهد ابنك ياعلي بسجن الدعيه
ادى العهد ابنك ياعلي بسجن الدعيه
.....
مثلك تقيد كادته ايد النواصب
من المدينه
بطاموره ذبو مضلمه شيخ الروافض
راح من ادينه
ارباطعش عام الكضت مفارك اهله
ومفاركينه
حر السلاسل من اثره جروح جدمه
انرضت ادينه
سلسله واغلال ..السابع من الال
وادى العهد ابنك يا علي بسجن الدعيه
.....
انطبك قران الوصي وونت صلاته
وألسجن ينعاه
حيف الامام بسم كضه انختمت حياته
بالالم والااه
بحر العلم وسفه بغرب صارت وفاته
ماواحد وياه
يعالج بسمه الوصي وذبلت شفاته
من حرة ضماه
حان احتضاره ...بالگلب ناره
اده العهد ابنك یا علي بسجن الدعيه
...........
بين اهله كون ينام ليحين موته
بشفته يكطرون
تحاوطه الاصحاب واهله وعزوته
هم اليتچون
تشتد عليه الام لو خفت صوته
كلهم يونون
يتكفل التغسيل اولاده واخوته
بالهم يشيعوه
موسى بالاغلا ل ..تحاوطه انذال
ادى العهد ابنك ياعلي بسجن الدعيه
........
اربع حماميل التشيل ابن الزجيه
عالجسر ذبوه
نادى المنادي شيعة يالرافضيه
للوالي كفنوه
هاذا زعيم الطائفه بهاي المسيه
للدفن شيعوه
وين الهواشم مادرت جثته رميه
بكبره يلحدوه
الشيعه تحضر يفجع المنضر
ادى العهد ابنك ياعلي بسجن الدعيه
.......
ان جان موسى ينحمل ويغسلونه
يلبس الاكفان
ويلي على المذبوح عاري يوذرونه
ويموت عطشان
موسى يدفنوه بعجل مايتركونه
تسلبه العدوان
بكل مصاب حسين حاضر يندبونه
والدمع نهران
تمر السنين دمعتنه لحسين
للذي ادى العهد بسجن الدعيه
.....
للخادمه ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
