الا من ناصر الا من معين
يحرس العيله ويرد للحسين
ينادي الصحابه بدمعة مصابه
وحدي عفتوني يالناصرين
.......
يعاينعم جثث صرعى
دماهم لونت التراب
يجذب حسرته المضلوم
عليهم والدمع سجاب
يعابس يل كلت اهوه
ترابك يبن داحي الباب
انهض هالصرت وحدي
اسد مجروح بين ذياب
يضيغم كوم ولوني الكوم
وحدي عفتوني يالناصرين
.......
تصد عيونه للشايب
حبيب تروعت العيله
تذكر من تحشم الكوم
زينب خايفه اليله
وهوست احنه يازينب
عهدنه حسين نوفيله
دمانه خضبت الطفوف
انه بهالشيبه اضحيله
صحت ينصار تشب النار
وحدي عفتوني يالناصرين
......
يحشم من كلب ملتاع
زهير عيالي سلبوهه
وبعيني اشوف النار
تشب بخيامي حركوهه
وانه الجان الي انصار
للحومه يدگوها
جرد صارمك محتاج
صولاتك يجربوهه
ردت صولات لجن هيهات
جريح وما اليه معين
وحدي عفتوني يل ناصرين
......
يااصحاب الصفا كعدو
تراني بلايه وفايه
نار الوجرت الخيام
ولتني بطيحت الرايه
على عيالي يهد الجيش
حريمي ملها حمايه
يحر اتمنى لو تكعد
وتشوفن حالتي هايه
ردت انصار تطفي النار
يالفجعتوني الا معين
........
جون انضرلك اتامل
اناديك وتهب ليه
يمن وجه البدر وجهك
تحبني بخالص النيه
اجت ساعات الموادع
جيوش الهجمت اعليه
انهض ما اليه معين
منك هاي مرجيه
انادي اصحاب اريد جواب
طحتو عالغبره يالعاشگين
.....
للخادمه ام عباس الخفاجي
أنت تقرأ
من نهل الانوار المحمديه(ج١)
Poesíaابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
