من نهل الانوار المحمديه(ج١)

يالتنشد المن عناي

يالتنشد المن عناي
بالمجلس تجري العبره
لن تحضر بي ام حسين
وام البنين تحضره
شيعه والهم مديونين
باللطمه وبدموع العين
بالمجلس نجري العبره
٠٠٠٠٠٠٠٠٠
ننعى ونندب يامضلوم
واجب عزاك ننصبه
منوفي لو ننطي ارواح
مانوصل ذره بحبه
نسمع صوت الزهره وونه
اذاني الصوب قلبه
ونسمع نداء المضلوم
هنياله كلمن لبه
بهالمجلس املاك تنوح
واحنه النندب يامذبوح
والمحب وسم صدره
٠٠٠٠٠٠٠٠٠
يل ترفع ايدك لطام
تحييه ايد العباس
لوتنحب تصرخ يحسين
وتهيل تراب اعلى الراس
تهيج المشاعر وتصير
عابس ويهيم باحساس
بيك ام البنين تطوف
يحضرك راعي النوماس
تنحب والمدمع جراي
وتوزع بثوابه الماي
حيدر عزاك يحضره
٠٠٠٠٠٠٠٠٠٠٠٠٠٠٠
يالتنشد حبنه من الذره
مولودين نحب حسين
مولودين نحب عالفطره
نهل دمانه بدمع العين
مكتوبه دمانه بكل قطره
يا مضلوم وآيحسيين
شماتعمل يتضاعف اجرك
واحد يتضاعف سبعين
بدرب حسين نضل للموت
عالصعبات باسمه نفوت
بكل مجلس نجذب حسره
٠٠٠٠٠٠٠٠
حسين الدم بالشريان
هوه العين البيه نشوف
كعبه وملهم للاحرار
بكل وجدان نشوف طفوف
سجلنه الحب بالدمعات
نخله رگاب بحد سيوف
حسين بنبض الدلال
وبنوره الارواح تطوف
بالمحشر نهتف يحسين
ماننساك اليوم الدين
عشاك الابن الزهره

*****
للخادمه ام عباس الخفاجي