من نهل الانوار المحمديه(ج١)

فاطمه

نزلت كل املاك السمه
تنعه وتون يم فاطمه
بدموع تتكاطر دمه تنعه وتون يم فاطمه
......
بضعة المختار الزهره
موعده ويه الهادي اليله
تشكيله شصاير بالعتره
وبفكد المحسن تحجيله
بسمار النابت بالحره
وتروعت اطفال العيله
اذتها امه ضالمه
لاملاك مدمعها همه
تنعه وتون يم فاطمه
........
اذوها من تقيد حيدر
قران الحرفو تاويله
تشكيله نيران السعرت
من غصبو حك حامي دخيله
مكيد حماي الحمه
من طيحو محسن فاطمه
بدموع تتكاطر دمه

.........
تشكيله اعله الغصبو حقه
والمنهم عالباب تجره
وجروه وبالنار استعرت
صحتك يابويه انه بعبره
يا طه ولنه اصعب حاله
خلف الباب تصير العصره
حال الزهره من يرحمه
والمحسن سابح بالدمه
تنعه وتون يم فاطمه
......
باب التوكف جنت عليه
حركوهه وتلهب مستعره
بسمار الكسره ضلوعي
يالهادي واذتني الكسره
بغيابك ماريد الدنيه

هالحاله صعبه م ؤلمه
ننعه ونون يم فاطمه
........
والحيدر ما ضلت حيله
اخذوه اعله البيعه مقيد
من شفت حبال اعله متونه
راعتني وفاجعني المشهد
وصيت ونفذه وصيتك
قل الناصر ماله احد
خلصت مابيهم مرحمه
مديت ايدي للسمه
ننعه ونون يم فاطمه
.......
تبعته الوالي وردوني
يسطرني ويامر السطره
يابويه وزادت احزاني
بفراكك هيجتني العبره
ببيت الاحزان يخلوني
منتضره طيوفك متضره

شفت المنضر
غصبو حيدر
ذابت روحي الحامي الحمه
........
ناداها الهادي بكل لوعه
يفجعني مصابج يالبضعه
ومصاب يمر اعله الحره
وي زينب يتكرر وضعه
نار الشبت بويه ببابج
بخيمة زينب مرتفعه

لوحيدر يرجع رد عندج
حسين يودعه بلا رجعه
حرب ودمه بنص ملحمه
تبجي وتون يافاطمه
........
لونكثو بيعة حيدرنه
وي حسين انكثت بارض الطف
وحبال القيدت جف حيدر
للسجاد انشدت بالجف
ومصاب المحسن يازهره
بعبدالله يصير الموقف
لونزفت عينج يابنتي
زينب منه متون التنزف
سلبو ترجية فاطمه
خلوهه تنزف بالدمه
تلوعت من الضمه
نزلت كل املاك السمه
.......
دموم النزلت بالعصره
بالطف من الال تسيل
اهاتج والون يالزهره
من زينب نسمعها بليل
البيت الاحزان يودونج
وزينب للشام تشيل
عالو باولادج يالحره
ويزيد اعله الال يعيل
بخرايب زينب نوموها
بسياط اعداها يضربوها
عالوجنه مدمعها همه
ونزلت كل املاك السمه
......
للخادمه ام عباس الخفاجي