يبو فاضل يبو فاضل
يبو فاضل ياااعباس
.......
على المسناة نايم ليش عباس
ترضاها العقيله تشوفها الناس
وجوهه الخيم طلعت النسوان
اطفال وحرم بالخيل تنداس
........
عين اعله الخيم عين اعله الجفوف
عين اعله الحرم واليهن الخوف
وانه اعله الأرض طايح رميه
عيني اعله النهر ياطيب الاحساس
......
عباس انهض الحره غريبه
مصيبه تشيله تخلهه مصيبه
عالتل واكفه تتنخه بينه
واحنه اجسادنه جثه بلا راس
......
ماعدهن ستر حركوهه الخيام
شتكول واخواتك كله تنضام
سلبوهه الرقيه يابطل كوم
خيط رأيتك خيمه ينوماس
........
يابدر الهواشم شاهد الحال
شوف خيولهم تعثر بالاطفال
انهض جتفو زينب بالحبال
مشوهه غصب مابين الارجاس
....
للخادمه ام عباس الخفاجي
أنت تقرأ
من نهل الانوار المحمديه(ج١)
Poesieابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
