هاذا ابن الحسن تربات الحسين
نازل للحرب سيفه باليمين
هاذا ابن الحسن تربات الحسين
........
هاذا ابن الحسن بالملحمه شسوه
شاف حسين يطلب منهم النخوه
يريد انصار من وادم فلا تسوه
شد حيله ولزم سيفه باليمين
هاذا ابن الحسن
......
نادت رمله ياخيرة الشبان
البس لامتك هاذا الوكت حان
عمك لاتعوفه بوسط عدوان
كله تبشري فدواله للسنين
هاذا ابن الحسن
.......
رمله حشمته ومنها القلب راح
ياغصن بحياتي ونبع الافراح
زمجر للعدو خل قلبي يرتاح
كله العمي انه القاسم ارهين
هاذا ابن الحسن
.......
لحسين اعتنه البطل جسام
رايد الاذن والقلب مهتام
يعريس الحرايب ارفع الهام
شد حزامه عمه ودمعه بالعين
هاذا ابن الحسن
........
طب للمعركه خيرة الشبان
خلاهم جثث ماهاب عدوان
تشهد صولته الانس والجان
زلزله الارض شبل الميامين
هاذا ابن الحسن
......
هوست للعرس جنها المنيه
وفت للحسن رمله الوصيه
من دم الولد تتحنه اديه
اعلكله الشمع واصفك الايدين
هذا ابن الحسن
.....
للخادمه ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
