جبريل هل المدمع
ينعى حسين بالمصرع
يمه ينوح يامذبوح
ينعى حسين بالمصرع
٠٠٠٠٠٠٠٠٠
خضب جناحه من النحر
يحسين اخذ مني الخبر
الهادي شالك بالامس
والدمع من خده انهمر
نادى الحسين ابني الذي
يذبحوه ارذال البشر
ثغرك تبسم جن فجر
اهوه يقبل ذاك الثغر
قبل جبينك ومسحه
هنا يضربوه بحجر
طه تحسر قلبه تفطر
والقلب منه تصدع
٠٠٠٠٠٠٠٠٠٠٠٠
الضلعين حيرني الوضع
لشوفتهن يهل الدمع
امك يحسين الطاهرن
بالاب عصروهه الجمه
الطفل طاح من العصر
وببسمار كسروو للضلع
ناحت عليه ارض وسمه
الونته قلبي ينفجع
بالطف اكبر ضلع تكسر
تحت الخيل يتصدع
٠٠٠٠٠٠٠٠٠٠٠٠
يحسين يبن الطاهره
بحالك اقارن والجره
نارين يحسين شهدت
للباب عيني ناضره
ونار التي بالطف سرن
بخيامك تضل مسعره
يبن النبي المصطفى
ونار العطش متوجره
جمر اليسعربيك توجر
الحالتك قلبي تلوع
ينعى حسين بالمصرع
٠٠٠٠٠٠٠٠٠٠٠٠٠٠٠٠٠
حالك ذكرني بالحصل
طبرو علي خير العمل
بمحرابه ساجد الوصي
بسيف الغدر جاه الاجل
راسك يطروه بحجر
يحسين دمك من نزل
تاهت افكاري الهل وضع
وانكطعت حبال الامل
ذابت روحي همي ونوحي
لمصابك اجري المدمع
٠٠٠٠٠٠٠٠٠٠٠٠٠
يحسين من رب العلا
امر ونزل عالعايله
كل الهواشم تنذبح
تستشهد حيود الفلا
يوم النحر بالحج ثبت
ونحر الهواشم كربلا
من ضحه مثلاك سيدي
للباري روحه وكل هله
دمعي همل من دم نزل
والراح ماضن يرجع
ينعى حسين بالمصرع
......
للخادمه ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
