كلمه كال حسين وبروحه فداها
على مر اجيال يتردد صداها
كال لا للطغاة عبره طول الحياة
على مر اجيال يتردد صداها
٠٠٠٠٠٠٠٠٠٠
جبل ماكدرو يهزوه الطغاة
ورث عن جده وابو كل الصفاة
بي نبوه وبي امامه ومعجزات
هزت الاكوان لائه من حجاها
٠٠٠٠٠٠٠٠٠٠٠٠٠
صرختك للذله ما نركع ابد
اليعادي حسين بعده منوجد
راية الاسلام صارله عمد
بدم وريده الرايه ثبته وعلاها
٠٠٠٠٠٠٠٠٠
بكربلا اسست دوله بلا حدود
وجعلت هاي الارض سر الوجود
مهدته وبلكن الغايب يعود
يطلب الثار ويشيل لواها
٠٠٠٠٠٠٠٠٠٠
كلمتك يحسين قدوه الكل نبيل
يادليل الدين يانعم الدليل
عالدرب ماشين مانقبل نميل
شيعتك عشاك والدربك هواها
٠٠٠٠٠٠٠٠٠٠٠
ننتضر موعود يضهر من سنين
ياخذ الثارات لمصابك حسين
نمشي تحت الواه احنه عازمين
تتبعه الارواح هاذا كل مناها
......
للخادمه ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
