اجت عصبة مسيح بزود تتناضر
كالو يامحمد اثبت انته الحق
نتأكد اجينه والاسم موجود
احمد بالكتب ونريد نتحقق
رسول الله ابتسم بي حارت الافكار
بسماته ورد نيسان يتورق
شرح أركان دينه وعلة التوحيد
من لسانه علم الباري يتفتق
حارو شنهو ردهم رادو يصدكون
يتطابق حجي المرسول من انطق
كاهنهم صفن خل ايده عالخدين
يحك بذقنه واعله الكاع جنه اطرق
كله يامحمد نملك التورات
وصليب الجان عيسه عليه يتوثق
وعدنه الجفن من بعد ماصلبوه
بيهن خل نباهل يبين النه الحق
تبسم هادي الامه وحددلهم يوم
عالموعداجت أفواج تتطرق
لن ساعه واجه طه رسول الله
(افلح من صلى على محمد وآل محمد)
ويه الال شجره وعودهه استوسق
زهره ولابو والزوج والأولاد
من بين الروابي نورهم أشرق
محمد ياصلاة الباري والكونين
بعنان السمه ناقوس الك يندق
رجع كاهنم ومنه وهن كل حيل
يكلهم ردو مابعد بالدين نتعمق
اشوف وجوه لوقسمت على الأكوان
سماهه أعلى الأرض لحضات تتطبق
يااسلام ونخصكم يشيعه بهاي
محمد باب من باب الفرج يغلق
******
للخادمه ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
