ليلة الطبره علي نحييها
نعزي بيك المصطفى هاديها
٠٠٠٠٠٠٠٠٠٠
٠٠
_
واحد وعشرين من شهر الصيام
الدنيه ماطرهه الصيح صارت ضلام
طاح باب العلم وخير الانام
الجعفريه ينفكد واليه
٠٠٠٠٠٠
انفكد حيدرها وسيدها الاغر
والد السبطين وسيد البشر
الناس كطر وعلي صارلهم بحر
نغترف من لجته وجاريها
٠٠٠٠٠٠
كرار اسمك لجن طبقته بفعل
فاعل المعروف ابد ماينجهل
يوم فكدك خله كل مدمع يهل
لو بدينه الروح الك نفديه
٠٠٠٠٠٠
يمن للمضيوم والخايف امن
لفكدك العالم تسربل بالحزن
انهدم الاسلام ماضل بي ركن
بهالمصيبه الهاشم نعزيه
٠٠٠٠٠٠
حك نعزيها انثلم سور المجد
انفكد شخصك واسمك منفكد
جنت للشيعه حماها والسند
اصبحت كلها الحزن عاليها
٠٠٠٠٠
شلون ضربه بيك الاسلام انضرب
شلون فجرة فجه والهم ركب
كلوب مدميه ومدامع تنسجب
غار بحر المكرمه وساجيها
٠٠٠٠٠
يابحر تيار والعالم جرف
من بحر علمك وجودك نغترف
سنه والشيعه بفضلك تعترف
راح قايدها الذي يدليها
٠٠٠٠٠
ان قراتها نسالكم الدعاء
للخادمه ام عباس الخفاجي
أنت تقرأ
من نهل الانوار المحمديه(ج١)
Poesiaابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
