من نهل الانوار المحمديه(ج١)

للكاظم

دمعه يمك ارداجريه .يامسموم
خوفي عبراتي تطفيه يامسموم
قيدك واغلال يدك
         موسى بن جعفر اندبك
يامسموم يامسموم
........
دمعه دمعه يبن جعفر
خوفي شخصك لا افكده
صوره ارسم شلون وضعك
جني اشوفه طيف سجده
وانكطع مني الهوه
          طايح ومالك دوه
انه اشوفنك غدر
بالسجن طايح
سيدي يمته ترد
        بدارك يخضر الورد
يالمفارك فاطمه المعصومه راوح
جلمة البويه بشفته ماتنساك
بنتك تريد تردله وتحجي وياك
قيودك تشوف وتكله
جرحك وبيدي اشله
يامسموم ....يامسموم
..........
لله ساجد يا امامي
واحنه حيره تدور بينه
شلون باجر تلتكينه
وايدك تشابك ادينه
احنه ذوبنه الضمه
يالشوفتك جنها سما
بالجسر ويضيع من عدهم طبيبك
بالقلب الهم حجي
لو ابن جعفر يجي
وسفه لن حمال للشيعه يجيبك
اهلك ينطرون دروبك يامسموم
عالجسر مطروح لوحدك يا مسموم
شيعتك جايه اعله وعدك
صاحو اسم الله اعله اسمك
يامسموم يامسموم
.............
اسم الله مولاي اعله طولك
يالحنيته من سجودك
واحنه فجعونه بغدرهم
بالسلاسل يسمونك
ياسمه الماتنطبك
ميت نشوفك صدك
ااه غدروه الجمع
وونته الماتنسمع
وسفه عدوانه تغمض عينه
كلفه تتيتم معصومه بهاذا اليوم
بالحلم سمعت ونينه المضلوم
موسى طايح من يغسله
بكبره منهو ينزله
يامسموم يا مسموم
...........
باب سجنك هي بابي
وهامت جروحي بقفله
وياه كلت اه بدمع ساكت
من صلاتك عطلته
الموت والسم والضرب
ذوبن مني القلب
مايشوفونك اولادك باحتضارك
لاولد يحمل نعش
طاح سابع الاثنعش
ياحسافه اليله ضلمه وحسرة دارك
وانته تتلوع بالامك غربه وموت
تذكر مصاب الطف غصه وغربه وموت
لكربلا دمعه يهله يذكر حسين يكله
يامسموم يامسموم
........
صعبه ساعات المنيه هيمت حزني ويه نوحي
انجان ابن جعفر تشيع
وجت اعله حسين نوحي
وللسبوهه بكربلا
دمعتي تضل هامله
بين سم الكاظم ونحر الامامه
لحسين اشهك عبرتي
للكاظم اسجب دمعتي
راهب اهل البيت من بعدك يتامه
شيعتك جوي يشيعونك يا مسجون
رادو بدمهم يفدونك يامسجون
شيعه للكوكب تحمله
بالدمع واجب تغسله
يا مسموم يامسموم
.....
للخادمه ام عباس الخفاجي