على الضالم ثار دمك ياحسين
سجلت صرخه على مر السنين
دمك اعله الضلم ثار
صار للعالم منار
على الضالم ثار دمك ياحسين
٠٠٠٠٠٠٠٠٠
ياعلم من نور مابين الضلام
خلدك ربك رغم عن الئام
عينك اعله الذله ما ترضه تنام
ثبتت قاعدة دينك بالخيام
بنحرك المقطوع وقلبك الموجوع
وصلت صوتك لاذان العاشقين
٠٠٠٠٠٠٠٠
بهدف هالدين يتثبت لواه
عالترب خطيت حبك للاله
تركت دنياك طرا في هواه
انته ايتمت العيال كي تراه
تضل للثوار رمز للاحرار
عالضلم ثورتك صارت ياحسين
٠٠٠٠٠٠٠٠٠
نمشي وانوارك تدلينه الدروب
مو عالرجلين نمشي اعله الگلوب
اعمارن شمعه وعلى دربك تذوب
انته شمس الله اليجافيه الغروب
كلنه عشاگك صورنه ثوارك
ناخذ الثارات من الضالميين
........
عهد للزهراء وبمنطق صريح
لو نشوف الموت ماننسه الذبيح
كم شهيد بدربه كم واحد طريح
كم مهجر كم مفجر كم جريح
صارت الأحزان لشيعتك عنوان
أحزان خطته أيادي الأثمين
......
ننتضر غايب و نعلكله الشموع
نضمه بالاحضان بفيض الدموع
نرفع الرايات نلبسه الدروع
نطلب الثارات من ذيج الجموع
المهدي من يضهر كل احنه انتحضر
واحنه تحت لواه كلنه ثابتين
********
للخادمه ام عباس الخفاجي
أنت تقرأ
من نهل الانوار المحمديه(ج١)
Poesíaابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
