زهراءُزهراء
زهراءُ زهراء
...........
اليله ودعنه بحزن خير النساء
ياعلي وياك تنعاها السماء
ا جرك ربك على مصاب الجليل
شلون تدفن بالارض شمس السماء
اليله ودعنا بحزن خير النساء
........
شلون تدخل دارها والدمعه نار
تسمع بمحرابها صوت البكاء
فاطمه دار العلم للحكمه دار
نصبت الاملاك للبضعه عزاء
اليله ودعنه بحزن خير النساء
...............
راحت بكسر الضلع بنت الرسول
ياعلي وبسمارها ينگط دماء
زهره وبنيسانها صار الذبول
غربت ثالثة اصحاب الكساء
اليله ودعنه بحزن خير النساء
.......
شحال من عصروهه بالباب وحديد
سقطو محسنه نسل الانبياء
صاحت ابني طاح منحور الوريد
فضه لحكيني گضه بفيض الدماء
اليله ودعنه بحزن خير النساء
..........
نطبعت اللطمه على خدهه اليمين
وانخبط بعيونه ذاك الصفاء
بضعة المختار ودعنه بانين
واختنك بمصابها حتى الهواء
اليله ودعنه بحزن خير النساء
........
ياهضيمه بلا قبر اله يزار
لاشمع نعلگ ولا نقره الدعاء
نور مشكاة العرش بيا قرار
کل املنه نزورها وها ذا الرجاء
اليله ودعنه بحزن خير النساء
*****
للخادمه ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
