ساعات المنيه لو حلت عليه
اتمنه الشفاعه من ايد الزجيه
.......
اريدنها تحضرني بسرير الموت
من يثگل لساني وما يبين صوت
تضل عيني تشابح من يفوت الفوت
واحسً نفسي يونس جن بلعني الحوت
بفراشي رميه دموعي هميه
انگطعت اعمالي انفاسي عصيه
.......
بين اهلي واروح بعالم الثاني
شدد تحضرني منه تغيرت الواني
اصد لهلي واشوفن دمعة اخواني
واحس مثل الخشب متيبسه جدماني
الهج بالشهاده اترجه الاعاده
بس مستحيله ترد روحي ليه
........
يالزهره انخاج بگلب مالوم
گرب يومي ويا كلفة هذاك اليوم
اريدن وگفتج وياي بالمحتوم
بالمغتسل جردو مني هدوم
بدين اغراب سليب ثياب
بنعشي خلوني وجتوفه اديه
.......
وحگ الي رفع راياتج وعلاج
بساعة دفنتي ياحره ارد انخاج
اريدج تحضريني وعلي وياج
ويحضروني بنينج يل فرح ملكاج
هالو ترابي ونغلق بابي
حالتي حاله يم الحميه
.......
يزهره وليلة الوحشه تعرفيها
ترد روحي ومصابي الموت ماذيها
اشم تراب وعيني الكبر عاميها
احشم بيج يزهره الليله حضريها
يانور بضلامي حلفتج بامامي
الطايح رميه بسوف المنيه
........
ابوج المصطفى المختار
تشفعيلي بحشري ولا اشوف النار
انه الخادم الج والحيدر الكرار
واخدم كل بنينج عترة الاطهار
بالمحشر ردتكم اشتمن عطركم
وسفينة نجاكم ملفى اليه
أنت تقرأ
من نهل الانوار المحمديه(ج١)
Thơ caابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
