اريد اطرح وعادل وانته حلها
المنو تلوك للامامه وانتحلها.
نحلة الحيدر وربك نحلها
حيدر بدر توجوهه بثريا
.....
يدك الفرح قلبي هواي دكات
وعكب ما دك زماني بيه دكات
لادكن وشم عالزند دكات
بس الحيدر تبايع اديه
.....
علي هلال البرايه علينه من هل
تراه احنا العطاشه وانته منهل
على دروبك زرعنه الارض من هيل
نمد جفوف للبيعه السنيه
......
الك فرحت يحيدر شيعه سنه
حبك عالبشر ثبتته سنه
وجهي الما ضحك فد يوم سنه
تباشر توجو حامي الحميه
......
ياليلة فرح واعضمها ليله
يمن عشكك جزه اعله البشر ليله
ليالي ايامنه نختمت بليله
وصرنه بحبك اسياد البريه
.......
يطك قلبي الفرح شلال من طك
واريد احجي نتر وبزودي اطك طك
يعاذل موت من قهرك تطك طك
بس الحيدر تلوك الولايه
.....
للخادمه ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
