من نهل الانوار المحمديه(ج١)

تكملة ابوذيات

ملمه من الدهر قلبي واهلها
دموم حشاي اصعدهه واهله
يخلق الله انسبت زينب واهلها
تعاين ما بقت منهم سريه
٠٠٠٠٠٠٠
ركن صبري انهدم يحسين وانهار
على يتاماك احرس ليل وانهار
مي العلقمي للروح ونها
راح الجافل ولني سبيه
٠٠٠٠٠٠٠٠
ابات وضامري من الوجد ياجد
مثلي بالحزن لاتضن ياجد
على الطلعت تصيح الغوث ياجد
على خيمنه تلوج علوج اميه
٠٠٠٠٠٠٠٠
ضعني يل جفيل بلا ولي سار
حراير مانعرف الذل واليسار
وانته الكطعو يمينك واليسار
عفتنه شلون يل كلك حميه
٠٠٠٠٠٠٠٠
على اللوعات قلبي انطبع وانساك
نحل جسمي على المضلوم ونساك
منته التنذبح يحسين ونساك
يسوكونه غصب جيش ال اميه
٠٠٠٠٠٠٠٠
يحادي الضعن سار الضعن من وين
عمت روحي على السجاد من ون
انا وين وزجر ياخلق من وين
عكب عباس صار جفيل اليه
٠٠٠٠٠٠٠
خبر لهل المروه من يشيعه
جنازه حسين طايح من يشيعه
فده روحه واخوته الكم يشيعه
فرض واجب تنصبوله عزيه
٠٠٠٠٠٠٠٠٠
زجر يحسين من بعدك محنا
بسفر وعداك مابيهم محنه
على راس الرمح راسك محنه
بدماه ولن يدير العين اليه
٠٠٠٠٠٠٠٠
سره حادي الضعن بالحرم وحداه
اعاين بس علي السجاد وحداه
سل سيفه الهضم عل روح وحداه
يدير العين اهله اعله الوطيه
٠٠٠٠٠٠٠٠٠
لهل المجد جد واكصد يساري
خبر اشبال هاشم عن يساري
يميني وركبتي شدو يساري
سلاسل والشماته اصعب عليه
٠٠٠٠٠٠٠
النسب صافي صفاة الذهب وصفه
والي خدر اليحير الفكر واصفه
انه البيتي مدينة علم واصفه
يسيره مجتفه بديوان اميه
٠٠٠٠٠٠٠٠٠
ناب الدهر كطعني ولا كن
عشيره مابقت ليه ولاكن
ريت الشام لاتوجد ولا كان
يسموني بسككها خارجيه
٠٠٠٠٠٠٠

عليه الدهر سيف الجور سنه
فرض عندي البجه والنوح سنه
حسين بخيزرانه انضرب سنه
زينب تنضره وتنحب شجيه
٠٠٠٠٠٠٠٠
يدار المجد وين السكن ونزول
نمر بحبابنه لو نصد ونزول
تراه الدهر كله صعود ونزول
على وجه الثرى تحط الثريه
٠٠٠٠٠٠٠
شعمل بيه الزمن يحسين من شاف
دم قلبي نزفته دموم منشاف
وانه الشخصي ابد فد يوم منشاف
عموم الناس تتفرج عليه
٠٠٠٠٠٠٠
دياري مزهره تنور بهلها
منه النور يتساطع واهله
دموع العين عالعافوهه اهلها
سكنتها ليش يغراب المنيه
٠٠٠٠٠
شيعي ارد ارد حيفي وثاري
اهل على الراس رمادي وثاري
ناري بالقلب وجت وثاري
قرب عاشور جمره وسرت بيه
٠٠٠٠٠٠٠
غدر بيه الزمن سيفه علي جار
اخذ مني الولي ضالم علي جار
يبويه مجتفه خصمك علي جار
يضربوني وانه بنت الزجيه
٠٠٠٠٠٠٠٠٠٠٠
انه البدويه ياشيعه والي دين
ابني صوبو عينه والايدين
كطعوه المارحم عدهم ولادين
تطلب بالحشر ثاره الزجيه
******
شكد صعبه يزينب فركة الخوان
زمان الكطع الجفين خوان
مشيتي بلا جفيل ولا الج خوان
مشيتي وانهدم كل حيل بيه
.....
للخادمه ام عباس الخفاجي