من نهل الانوار المحمديه(ج١)

طفلين

طفلين مذبوحين
طفل الزهره وطفل حسين
نبله وبسمار الباب
طفلين بفد صواب
طفل الزهره وطفل حسين
٠٠٠٠٠٠٠٠٠
للطف حضرت الزهره
تعاين والقلب مالوم
امس ا دفنته للمحسن
عبدالله ادفنه اليوم
محسن ينحر بالباب
وطفل حسين با لمسموم
طفلك يبني اذاني
واذكر محسن المضلوم
لمحسن دلالي انصاب
والطفلك طايح بتراب

بيديه تشيل اثنين
المحسن وي طفل حسين
٠٠٠٠٠٠٠٠٠٠٠٠
حسين بكربلا هاليوم
بعبدالله بقه محير
شافه من العطش ذبلان
توجه بيه للعسكر
ذنب ماعنده بس ضامي
طفل وشلون يتصبر
رفعت الايد للعدوان
محد بيهم اتاثر
عبدالله ينور العين
يصوبونه بسهام البين
مرار الدنيه هاليومين
٠٠٠٠٠٠٠٠٠
بضعة طه بارض الطف
تصد العين للمضلوم
تصيحن ااه يوليدي
فجعني حالك بهاليوم
اشوفن دمعك المسفوح
واحس بقلبك المالوم
كوم الهجمو اعله الباب
صوبو طفلك بهاليوم
تشوغ الروح
على المذبوح
تنادي الزهره يبني حسين

٠٠٠٠٠٠٠٠
بنين اطفال يامذبوح
حسافه بلا ذنب يكضون
الذبحوهم غدا لله
شيبدر منهم شيكلون
وجدك يوكف يحاسب
جهنم بيها يتخلدون
والك اتباع
تهز الكاع
يزحفون والك ماشين
لبن الزهره وابن حسين
*****
للخادمه ام عباس الخفاجي