بسامره نطلب ثار
شيعه والك انصار
اسمع يقائم
العسكري بهالدار
طاح بغدر اشرار
يبن الاكارم
ننعى ونهل العين نار وامدها سنين
يبن الاكارم
.........
يفجعنه الحال وهالمنضر
يبن الاطايب
مسموم الوالي بين ايدك
وحدك يغايب
تنضر حالة امك تنعى
والگلب ذايب
اضلم دارك راح الوالي
راعي المناقب
نواسي يا موعود شخصك يراعي الزود
الشعه كلها وياك ماتم تنصبه هناك
بدارك يوالي
السامره نتعناك ارواح الك تفداك
يل عدنه غالي
اثلم سور الدين اغمض ولينه العين
يبن الاكارم
......
شيصبر گلبگ يالمهدي لهاي المضالم
سم الطاح بگلب العتره هز العوالم
يبدوه بجبد ابن الزهره نسل
الهواشم
مابين السم نار موجره وحد الصوارم
نار وسموم سيوف ودموم
معك تفجر
حزنك غيوم صبن هموم
دمعك تفجر
مرت عليك سنين بين الحزن وونين
وحدك تقاوم
......
مرت هاليله المشؤومه بثوب المنيه
مجتمعه العيله ومهمومه بهاي المسيه
باحضانك يالمهدي الوالد عينك هميه
تگله اگعدبويه اردك تكعد منهو اليه
تغسل المعصوم تنصب عزاه اليوم
موحش مجانه
هذا الامر معلوم نفس الغدر والكوم
نفس الخيانه
جن عادو الاشرار نطلبهم احنه بثار
ثار الهواشم
........
يالباقي من العتره يصبرك رب البريه
تهمل للوالد هاليله دموع الاسيه
نار الاب لهابه بگلبگ يبن الزجيه
وياك العالم متاثر كل البريه
للعسكري يغدرو نسل النبي يگطعوه
بين حقدهم
الحادي عشر سموه وبداره يدفنوه
مغلوله يدهم
واحنه يضي العين نمد الك ايدين
ليدك نسالم
......
ثارات نريدك يالمهدي ترفع علمها
ثار الباب وثار الطبره وجبده والمها
يوم الطف وذبح العيله وحركة خيمها
وثار الشيعه الاجل محبتك انهدر دمها
تنصب عزاء للشهداء
ويانه حاضر
من السماء نسمع نداء
وتملي النواضر
تاخذ بثار حسين والحره والجفين
ويبن الاكارم
.......
للخادمه ام عباس الخفاجي
أنت تقرأ
من نهل الانوار المحمديه(ج١)
Şiirابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
