كامت تصلي المنيه
توضت بدم الجفوف
اصبح المضلوم قبله
سجدت عليه السيوف
ياصلات العاشقين
قامت بنحر الحسين
اصبح المضلوم قبله
سجدت عليه السيوف
٠٠٠٠٠٠٠٠٠٠٠٠٠٠٠٠٠
حسين كل اسمه معاني
وكل حياته منقبه
الحاء حبه اللانهائي
بيه ضحه المذهبه
السين سيره من المدينه
يلاقي ربه مطلبه
والياء نهتف ياحسين
وبالدموع نجاوبه
النون لاتنشد عليه
نال عالي المرتبه
ضحه بعيال ومقام
طفل واولاد وعمام
واصبح المضلوم قبله
سجدت عليه السيوف
٠٠٠٠٠٠٠٠٠٠
الحسين اعضم قضيه
نخطت بخيمه ومهد
عاهد الاكوان كله
مايذل كان العهد
ثبت اركان العقيده
وجان من ربه السند
ترك هاذا الخلق طرا
في هوى الباري الصمد
لونعد كل المناقب
ماوصل لحسين احد
صار نبراس وعلم
تعلمت منه الامم
واصبح المضلوم قبله
سجدت عليه السيوف
٠٠٠٠٠٠٠٠٠٠٠٠٠٠٠٠
حسين كلمه حسين مبدا
حيسين ثوره
حسين راد يضحي لله
بقلبه وبكسر العضم
انشد خيول ال اميه
ياصدر بيه انهشم
حسين مصباح المجالس
تحيا لومر هالاسم
حسين غيره وكرم
سيد وطبعه شهم
حسين متهمه الحتوف
سجدت عليه السيوف
٠٠٠٠٠٠٠٠٠٠٠
افتخر ياشيعي امامك
مثله مايوجد بشر
ضحه لجلك بالغوالي
تحدى صولات القدر
اتبع منهجه وطبق
كل تعاليمه بفخر
لاتزل وامشي اعله دربه
ولاتبالي باي خطر
بالقيامه يالموالي
حسين وياه ننحشر
الشفيع المذنبين
باللطم مد الادين
واذكر احزان الطفوف
سجدت عليه السيوف
٠٠٠٠٠٠٠٠٠٠
لوردت تاخذ العبره
بكربلا تلكه العبر
على قلب حسين طاحت
كل معانات البشر
كم مصاب يمر عليه
ويلي قلبه شكد صبر
اول مصيبه نكثو
البيعه وتعرض للخطر
والفجيعه المؤلمه كطعو
من الضعن كل ماي النهر
مارعو سبط الامين
اكطعو منه الوتين
ابن طه بالطفوف
صلت عليه السيوف
٠٠٠٠٠٠٠٠٠٠٠٠
للخادمه ام عباس الخفاجي
أنت تقرأ
من نهل الانوار المحمديه(ج١)
Puisiابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
