If Only

Chapter 24

"I don't understand why you're doing this, Kath."

Napatingin si Kath sa kanyang kausap. Ma'am Cory was sitting on her desk across her. Confusion was written all over her face. Nasa office kasi siya nito dahil gusto niya itong kausapin. Pero mukhang naguguluhan ito sa sinabi niya.

"Bakit kailangan mong bumitaw sa loveteam ninyo ni Daniel? Nag-away na naman kayo?" nagtataka pa ring tanong nito.

Umiling siya. "Hindi po. Gusto ko lang po talagang... lumayo na sa kanya."

"And why would you want that?"

Nagbuntong-hininga siya. Sasabihin ba niya dito ang lahat ng nangyayari sa kanila ni DJ?

"There's something you aren't telling me. Sabihin mo sa akin iyon para magkaintindihan tayong dalawa," mahinahong wika nito.

Nang hindi pa rin siya umimik ay nagbuntong-hininga ito at tumayo mula sa pagkakaupo nito. Lumapit ito sa kanya at iginiya siya sa sofa na nasa office nito.

"Okay. Para mas madali para sa iyo na sabihin sa akin iyan, kalimutan mong boss mo ako. Come on, Kath. You have to tell me. Anong problema mo?" informal na tanong nito sa kanya.

"Ma'am Cory - "

"Tita. Call me Tita."

Nagbuntong-hininga siya. "Tita Cory... have you ever been in love before? Iyong... mahal na mahal mo ang isang tao pero hindi ka naman niya mahal. Na kahit na paulit-ulit ka pang masaktan nang dahil sa kanya, patuloy ka pa ring nagpapakatanga dahil mahal mo siya."

Lumapit ito sa kanya saka ay hinawakan ang mga kamay niya. "Ganyan ba ang sitwasyon ninyo ni DJ ngayon?"

Napayuko siya sa sinabi nito.

"Tell me, Kath. Nagpapanggap lang ba kayo ni DJ all these times?"