If Only

Chapter 57

"Danna..."

Hindi makapagsalita si Kath. Kaharap niya si Danna at mukhang hindi rin nito alam kung ano ang sasabihin sa kanya.

"Uhm, mabuti pa't iwan ko muna kayo. I think both of you really need to talk," paalam ni Vicky, saka ito tuluyang umalis at iniwan silang dalawa ni Danna sa tabing-dagat.

Wala pa ring nagsasalita sa kanilang dalawa. Nakikiramdam lang sila sa isa't-isa. Pero humakbang naman ito palapit sa kanya nang ilang pulgada, saka ito nagbuntong-hininga.

"Kath, I honestly don't know what to say to you. Or kung saan ko sisimulan ang mga dapat kong sabihin sa iyo," panimula ni Danna.

"Why don't you just tell me the truth. Iyong wala nang paligoy-ligoy pa. Kasi napapagod na akong makinig sa mga kasinungalingan, eh. Pagod na pagod na ako, Danna. Kung totoo man iyong mga sinasabi ni Aaliyah sa akin, then diretsuhin mo na ako. Kasi ayoko na, eh. Kung totoo man iyon, habang nasasaktan pa ako ngayon, sagarin mo nalang. Para matapos na ang lahat nang ito," aniya dito.

"Kath, lahat nang sinabi sa iyo ni Ate Vicky, totoo lahat nang iyon. Mahal ka talaga ni Daniel," wika ni Danna.

"Danna, please... Don't let me hear that."

"Kath, why won't you just believe it?"

"Masisisi mo ba ako?" Hindi na naman niya napigilan ang umiyak. Parang naging non-stop nang lumalabas ang mga luha niya sa araw na iyon, ah.

"Okay, I'm sorry. I know I messed up. Nagulo ko ang damdamin mo noon. I tried to point out to you and prove to you na wala kang pag-asa kay Daniel, dahil ako ang mahal niya. Iyon ang pinapaniwala ko sa iyo, dahil iyon rin mismo ang pinapaniwala ko sa sarili ko," explained Danna.

Napahilamos ito sa mukha nito gamit ang mga palad.

"You know what, Kath? I was so jealous of you. Kasi kahit na nakikita kong sinusungitan ka ni Daniel noon, pagkatapos ng inyong pag-uusap, hindi mawala-wala ang mga ngiti niya sa mga labi. Kaya alam ko na napapasaya mo siya. And I was scared. Because alam kong dahil doon, hindi na namalayan ni Daniel na napamahal ka na sa kanya."