If Only

Chapter 22

Nakatulala si Kath habang nakababad ang katawan sa bath tub. Kahit na ilang beses niyang iwaglit sa isipan ang nangyaring sudden confession niya kay Daniel kanina, hindi niya pa rin magawa. That little scene they had back there just kept on replaying and replaying on her mind.

Ang tanga mo kasi, Kath! Ba't mo sinabi kay Daniel na mahal mo siya? Gaga!!

Nagbuntong-hininga siya. Simula nang naisabi niya dito ang magic words na iyon, naramdaman niya ang pagkakaroon ng pader na tila iniharang nito sa pagitan nilang dalawa. Ang galing naman kasi niya. Sinabi ba naman niyang mahal niya ito?

The instant those words slipped out of her mouth, she realized the big boo-boo she committed. Dahil doon, mas lumayo pa ang distansiya nito sa kanya. Malayo na nga ang distansiya nito sa kanya, mas lumala pa. And it was all her fault. Her and her big mouth.

Hindi talaga ako makapaniwalang nasabi ko iyon sa kanya!! gigil na napatili siya sa sarili.

Tandang-tanda pa niya kung paano nanigas si Daniel sa kinatatayuan nang nasabi niya ditong mahal niya ito. Malamang ay nangatog ito sa takot kagaya ng pangangatog niya noong tumawid siya sa hanging bridge. At nang marating naman nila ang bangka at nakasakay na silang dalawa ay nanatiling naka-on yata ang force field na nasa pagitan nila.

Naghalo-halo ang kahihiyan at rejection sa katawan niya. Pero ang mas nangibabaw na emosyon ay ang sakit na nararamdaman niya. Kahit hindi man lantaran ang pag-reject nito sa kanya, ang pag-iwas nito ang malaking ebidensiyang wala na siyang iba pang aasahan dito kundi rejection. Mukhang hindi lang nito alam kung papaano sasabihin sa kanya ang mga dapat sabihin nito nang hindi siya nasasaktan.

"Kath!" Narinig niya ang katok na iyon ni Vicky sa labas ng bathroom.

"Bakit?"

"Mag-iisang oras ka na diyan. Hindi ka pa ba tapos?" tanong nito.

"Oo na. Tapos na ako," aniya at tumayo na sa bath tub. Dahan-dahan siyang lumabas sa tub at isinuot ang bath robe. Saka lang siya lumabas ng bathroom. Sinalubong naman siya ni Vicky sa pintuan.

"May problema ka na naman," bungad nito sa kanya.